Ақсуат ауданы бойынша «Инклюзивті білім беруді дамыту» жобасын жүзеге асыру туралы
Ақсуат ауданы бойынша 2023-2024 оқу жылында мүмкіндіктері шектеулі балалар саны : 214 ( 5 %) оның ішінде мүгедектігі бар балалар саны : 64 0-6 жас арасындағы балалар саны:69 , мектеп жасындағы балалар саны: 145құрайды. Мектеп жасындағы инклюзивті білім алушылар саны:34 (11мектеп) инклюзивті біліммен қамтылған. Ерекше білім беру қажеттіліктері бар балалардың сапалы білім алуы үшін арнайы жағдайлар жасау жөніндегі мемлекеттік саясаттың барлық стратегиялық бағыттарын негізге ала отырып, инклюзивті білім беруді жетілдіру жөніндегі қажетті іс-шаралар орындалады. Негізгі стратегиялық міндеттердің бірі – ерекше білім алушыларды табысты әлеуметтендіру және бейімдеу үшін тең жағдайлар жасау болып табылады. Кедергісіз орта құру мақсатында мүмкіндігі шектеулі балалардың қолжетімділігі үшін тең қол жеткізу үшін К.Нұрбаев атындағы орта мектебінде тірек-қимыл аппараты бұзылған балаларға кедергісіз қозғалу үшін барлық жағдайлар жасалған.(пандустар, жүріп -тұру жолдары, санитарлық-техникалық үй жайлар, ақпарат телекоммуникациялар). Ерекше қажеттілігі бар оқушылар үшін «Білім беру ұйымдарында ерекше білім беруді қажет ететін оқушыларды оқытуда, тәрбиелеуде, дамытуда және әлеуметтік бейімдеуде психологиялық-педагогикалық қолдау ерекшеліктері» тақырыбында семинар, «Инклюзивті білім берудің нормативтік-құқықтық негіздері» тақырыбында дөңгелек стол ұйымдастырылды.