Жаңаөзендегі қайырымды істер марафоны. Ерекше қажеттіліктері бар балаларға арналған орталық ашылды

«Қайырымды істер марафоны» аясында Жаңаөзен қаласында жаңа «Балақай» оңалту орталығы ашылды.

Айта кетсек, «Қайырымды істер марафоны» жобасы Мемлекет Басшысы Қасым-Жомарт Тоқаевтың бастамасымен жүзеге асырылуда.

Орталықтың ашылу рәсіміне «ҚазМұнайГаз» ҰК АҚ басқарма төрағасы Алик Айдарбаев, «Samruk-Kazyna Trust» қорының өкілдері, «Өзенмұнайгаз» АҚ бас директоры Есен Өтеев, сондай-ақ ерекше қажеттіліктері бар балалардың ата-аналары қатысты.

Жобаның бастамашысы «Мұнайшы қамқоры» қоғамдық бірлестігі болды.

«Өзенмұнайгаз» компаниясы дене шынықтыру-сауықтыру орталығы негізінде үй-жай бөліп, күрделі жөндеу жүргізді. Бұдан басқа, орталықтың әкімшілік шығындарын өтеу үшін «Өзенмұнайгаз» АҚ қызметкерлерінің ай сайынғы ерікті жарналары есебінен қалыптастырылатын болады, олардың саны бүгінгі күні 9 мыңнан астам адамды құрап отыр.

Орталықта оңалтуға церебралды сал ауруы, аутистік спектрдің бұзылуы, психикалық дамуының тежелуі, гемипарез, нейро-ортопедиялық аурулар және т. б. сияқты диагноздары бар жылына 600-ге жуық бала тегін негізде қабылданады.

Орталықта оңалтуға церебралды сал ауруы, аутистік спектрдің бұзылуы, психикалық дамуының тежелуі, гемипарез, нейро-ортопедиялық аурулар және т. б. жылына 600-ге жуық бала тегін негізде қабылданады.

«Samruk-Kazyna Trust» қоры да бұл жобаны қолдап, Орталықты қажетті жабдықтармен қамтамасыз етті. Сонымен қатар, Орталыққа Жаңаөзен қаласының 15 білікті маманы жұмысқа орналастырылды.

Естеріңізге сала кетейік, «Қайырымды істер марафоны» іс-шаралары еліміздің барлық өңірлерінде жүзеге асырылуда және Қазақстан Тәуелсіздігінің 30 жылдығына арналған.