ШҚО-да туризм мен инфрақұрылым қарқынды дамуда
Ұлттық статистика бюросының мәліметіне сәйкес, 2024 жылы өңірге 428 мыңнан астам турист келген, оның ішінде 410 мыңы – ішкі туристер (өсім 16,5%), 18 мыңы – шетелдік қонақтар.
Туристерді қоныстандыру қызметтері көлемі 8 млрд теңгені құрап, 34,4%-ға өсті. Туризм саласына 15 млрд теңге инвестиция тартылып, 5 ірі туристік нысан пайдалануға берілді, ал қонақ үй қоры 500 орынға ұлғайған. 2029 жылға дейін туристер ағынын 650 мың адамға дейін арттыру жоспарланып отыр.
Инфрақұрылымды дамыту:
- 600 км жол жөнделді (құны 32 млрд теңге), оның ішінде 121 км – туристік бағыттарға апаратын жолдар.
- 2025 жылы 721 км жолды жөндеу жоспарлануда (377 км – облыстық, 344 км – республикалық маңызы бар).
- Бұқтырма су қоймасындағы көпірдің құрылысы аяқталды (құны – 60 млрд теңге), 6 ауданды байланыстырады.
Әуежай құрылысы:
2025 жылдың мамыр айында Катонқарағай ауданында және Зайсан қаласында әуежай құрылысы басталды. Құрылысты желтоқсан айында аяқтау жоспарлануда.
Туристерге жағдай:
2024 жылы 12 санитарлық-гигиеналық торап орнатылды:
- 6 – аудан әкімдіктері (Ұлан – 3, Глубокое – 2, Күршім – 1),
- 6 – республикалық жолдар бойында "ҚазАвтоЖол" АҚ (Ұлан, Самар, Күршім, Тарбағатай, Зайсан, Үлкен Нарын).
Іс-шаралық туризм:
Өңір "4E: Eco, Ethno, Event & Entertainment" тұжырымдамасын белсенді жүзеге асыруда.
2024–2025 жылдары маңызды шаралар өтті:
- "Altai Fest 2024" треккинг фестивалі,
- "Шығыс салбурыны 2024" бүркітшілер фестивалі,
- Балық аулау фестивалі (Самар ауданы).
Алдағы уақытта Катонқарағайда рафтинг фестивалі мен "Шығыс салбурыны 2025" өткізу жоспарлануда. Бұл шараларды БҰҰ Дүниежүзілік туристік ұйымының күнтізбесіне енгізу қарастырылып жатыр.
Туризмді қолдау:
"Ауыл Аманаты" бағдарламасы аясында 2024 жылы 467,6 млн теңгеге 27 жоба қаржыландырылды. 2025 жылы өңірлік туризмді дамытуға 1,5 млрд теңге бөлінді.