ШҚО-да Адам құқықтары жөніндегі уәкілмен меморандумға қол қойылды
Облыс әкімі Ермек Көшербаев Қазақстандағы адам құқықтары жөніндегі уәкіл Артур Ластаевпен кездесті.
Кездесу барысында Адам құқықтары жөніндегі уәкіл мен облыс әкімдігі арасында ынтымақтастық туралы меморандумға қол қойылды.
Меморандумның негізгі мақсаты – өңірде адам құқықтары мен бостандықтарын сақтау мәселелерінде бірігіп жұмыс жасау.
Тараптар адам құқығын қорғау мәселесінде халықтың хабардарлығы мен құқықтық сауаттын арттыру әдістерін, сондай-ақ құқық қорғау мекемелерінің әлеуетін нығайтуды талқылады. Бұдан әрі азаматтардың құқығын қорғаусаласындағы ақпараттық қолдау және іс-шараларды ұйымдастыру бойынша өзара іс-қимыл жоспарланбақ.
Меморандум шеңберінде азаматтардың құқығы мен заңды мүддесін сақтамаудың алдын алу бойынша жүйелі жұмысты ұйымдастыруда ынтымақтастық, тәжірибе және ақпарат алмасу жүзеге асатын болады.