Үлкен Нарын ауданының Майемер ауылында жаңа медициналық пункттің құрылысы басталды
Медициналық пункт құрылысы Мемлекет басшысының ауылдық денсаулық сақтауды жаңғырту жөніндегі тапсырмасын орындау шеңберінде жүзеге асырылады. Аталған медициналық пункт ауыл тұрғындарына алғашқы санитарлық-медициналық көмектің қолжетімділігін қамтамасыз етіп, тұрғындарға сапалы медициналық көмек көрсетуге арналған.
- Жаңа ғимарат баланың денсаулығы кабинетімен, заманауи талаптарға сай келетін процедуралық, терапиялық кабинеттермен жабдықталады. Медициналық көмекті ауыл мен ауылдық округтің 300-ден астам тұрғыны ала алатын болады, - деді Үлкен Нарын ауданы әкімінің міндетін атқарушы Елдос Байрахметов.
Облыстық денсаулық сақтау департаменті өкілінің айтуынша, медициналық пункт құрылысына республикалық және облыстық бюджеттен 217 млн теңге бөлінген. Мердігер «ГрадСтройСервис»ЖШС ұйымы.