Шығыс Қазақстан облысында коронавирус инфекциясын жұқтырған 47 адам ауру белгілерімен анықталды

Науқастардың ішінде 21 адам Семей қаласынан, 11 адам Өскемен қаласынан, 1 адам Аягоз ауданынан, Тарбағатай, Ұлан аудандарынан 5 адамнан, 3 адам Үржар ауданынан және 1 адам Бородулиха ауданының тұрғыны.
Эпидемиологиялық көрсеткіштер бойынша зертханалық талдаулар 3 науқастан бұрынырақ КВИ ауруын жұқтырған адаммен қарым-қатынаста болған тұлға ретінде алынса, өз өтінішімен ЖРВИ белгілерімен түскен 37 науқастан мониторинг жүргізу кезінде, 7 адамнан профилактикалық мақсатпен тексеру кезінде алынды.
Қазіргі уақытта қауіпті вирусты жұқтырған науқастардың барлығы инфекциялық стационарға жатқызылды.
Байланыста болған адамдарға эпидемиологиялық және медициналық тексеру жүргізу үшін ТКҚСҚБ аумақтық басқармасының мамандары мен медицина қызметкерлерінен құралған мобильді топ ұйымдастырылып, ошақтарға қорытынды дезинфекция жүргізілуде.
Эпидемиологиялық тергеу және эпидемияға қарсы шаралар жалғасуда.
Осы уақыттағы жағдай бойынша облыста коронавирусты жұқтырған 696 адам тіркелді. Сауығып шыққандар саны – 189.