Риддерде 600 орындық мектеп құрылысы басталмақ

Риддерде "Қазмырыш" ЖШС-мен меморандум аясында 600 орындық қазақ тілінде оқытатын орта мектептің құрылысы басталатыны мәлім болды.

          ШҚО әкімі Ермек Көшербаев Риддерге жұмыс сапары барысында жаңа мектептің құрылысын бақылауда ұстауды тапсырды. Естеріңізге сала кетейік, өткен жылдың желтоқсан айында ШҚО әкімдігі мен "Казцинк" ЖШС және Риддер әкімдігі арасында үшжақты меморандумға қол қойылды. Мектептің жер телімі белгіленді. Аталмыш мектеп заманауи жабдықтармен қамтамасыз етіледі.

          Сондай-ақ, "Жайлы мектеп" бағдарламасы аясында "Samruk-Kazyna Construction" АҚ қалада аралас тілде оқытатын 600 орындық тағы бір мектеп салуда.  Жобаның іргатасын биыл аяқтау жоспарланған.