Шығыс Қазақстан облысында коронавирус инфекциясын жұқтырған 11 адам анықталды

3 маусым күні Семей, Өскемен қалалары мен Тарбағатай, Үржар аудандарында 11 адамнан ПТР диагностикалық зерттеу нәтижелері COVID-19 диагнозын растады.
1 науқас ер адам – Семей, 2-еуі – Өскемен, 1 науқас ер адам Тарбағатай және 7 науқас Үржар ауданының тұрғыны.
Эпидемиологиялық көрсеткіштер бойынша 7 науқастан зертханалық талдаулар бұрынырақ КВИ ауруын жұқтырған адаммен қарым-қатынаста болған тұлға ретінде алынса, ЖРВИ белгілерімен түскен 1 науқастан мониторинг жасау кезінде, қалған 3 науқастан денсаулығы нашарлап, жоғары температурамен өз өтініштерімен келген кезде анықталды.
Қазіргі уақытта науқастардың барлығы инфекциялық стационарға жатқызылды.
Байланыста болған адамдарды эпидемиологиялық тексеру және медициналық тексеру жүргізу үшін ТКҚСҚБ аумақтық басқармасының мамандары мен медицина қызметкерлерінен құралған мобильді топ ұйымдастырылып, ошақтарға қорытынды дезинфекция жүргізілуде.
Эпидемияға қарсы шаралар жалғасуда.
Осы уақыттағы жағдай бойынша облыста коронавирусты жұқтырған 159 адам тіркелді.