ШҚО мамандандырылған күзет қызметі басқармасының қызметкерлері үшін cабақ өткізу туралы  

2023 жылғы 24 қарашада мамандандырылған күзет қызметі басқармасының қызметкерлері үшін террористік тұрғыдан осал объектілерді терроризмге қарсы қорғауды ұйымдастыруды жетілдіру шеңберінде сабақ өткізілді.

Іс-шара Қазақстан Республикасы Ұлттық қауіпсіздік комитеті департаментінің терроризмге қарсы орталығы бөлімі, полиция департаментінің экстремизмге қарсы іс-қимыл басқармасы, жарылыс-техникалық бөлімшесі, Дін проблемаларын зерттеу орталығы және облыстың терроризмге қарсы комиссиясының қызметін қамтамасыз ету бөлімі өкілдерінің қатысуымен өткізілді. Сабақ барысында келесі тақырыптар талқыланды:

- қолдан жасалған жарылғыш құрылғының белгілері және оларды анықтаудағы әрекеттер алгоритмі;

- террористік әрекетке қатысы бар адамдарды анықтау мүмкіндігі;

- деструктивтілік элементтері бар діни ағымдардың белгілері;

- ҚЖҚ пайдалана отырып, диверсиялық-террористік шабуылдар жасау кезіндегі террорист әрекеттерінің тактикалық моделі;

- террористік сипаттағы қауіптердің салдарын азайту және жою мақсатында кезекші қызметтерді хабарлау схемасы.

Іс-шара соңында қызмет атқару кезінде объектілерді терроризмге қарсы қорғауды одан әрі тиімді ұйымдастыру үшін әдістемелік ұсынымдар берілді.

https://www.gov.kz/memleket/entities/akimvko/press/media/details/41876?lang=kk