Құрметті шығысқазақстандықтар!

Шемонаиха ауданына жасаған жұмыс сапарым барысында бірқатар түйткілді мәселелермен танысып, халықпен кездесу өткіздім. Первомайский кентіндегі май зауытында жаңа экстракция цехы іске қосылды. Кәсіпорын өнімі еліміздің ішкі нарығы мен Өзбекстанға экспортталады. ҚХР-да бұл өнімге қызығушылық өте жоғары. ШҚО өндірушілері ауыл шаруашылығы басқармасымен бірлесіп ҚХР-ға май жеткізу жобасын әзірлейтін болады. Экспортқа шығару мүмкіндіктерін барынша кеңейту керек. Сонымен қатар кент тұрғындарымен ауыз сумен қамтамасыз ету және үздіксіз электрмен жабдықтау мәселелерін кеңінен талқыладық. Құрылыс, энергетика және ТҮКШ басқармасына "Біріккен энергосервистік Компания" АҚ-мен бірге жағдайды кеңінен талқылауды тапсырдым. Тағы бір маңызды мәселе - "Өскемен-Шемонаиха-РФ шекарасы" республикалық трассасының жөндеу барысымен таныстым. Шынымен, жолдың жағдайы мәз емес, "Қазавтожол" мамандары жөндеу жұмыстарын бастады. Уба өзені арқылы көпір салу мәселесі өткір күйінде қалып отыр, бұл нысанның транзиттік аймақ үшін маңызы жоғары. Әзірге ол талқылау сатысында. Мамандармен бірге қолданыстағы өткелді күрделі жөндеу туралы шешім қабылданды, ол су астындағы тіректерге, кенептің өзіне және көпірдің басқа бөліктерін де қамтитын болады. Ауданда туризмді, шағын және орта бизнесті және экономиканың басқа да секторларын дамытуға назар аудару қажет. Сондай-ақ, Шемонаихада азаматтарды жеке мәселелері бойынша қабылдадым.