Құрметті жерлестер!!!

Бүгін облыстың әлеуметтік-экономикалық дамуы мәселесі бойынша қалалар мен аудандардың әкімдерімен және басқарма басшыларымен кеңес өткіздім. 2022 жылды алдымызда қойған барлық тапсырмаларды орындай отырып, оң көрсеткіштермен аяқтадық. Қазір азық-түлік тауарларының тапшылығын сезінбеу үшін оларды өндіру мәселесі өзекті. 10 күн ішінде ауыл шаруашылығы басқармасы қандай өнімдер жетіспейтінін және олардың өндірісін қалай қаржыландыра алатынымызды талдауы керек. Сонымен қатар, мен 2015 жылы жерді суару жобасын көтеруді тапсырдым, оны қазіргі жағдайды ескере отырып аяқтау керек және егіс басталғанға дейін суару жүйелерін мүмкіндігінше іске қосу керек. Сондай-ақ, Жаңа Бұқтырма ауылын абаттандыру мәселесі талқыланды. Жобалық-сметалық құжаттама һдайындалуда. Өзгерістер тек жағалауға ғана емес, сонымен қатар кентке, оның орталық бөлігіне кіруге де әсер етеді, заманауи саябақ құру және жарықтандыру қарастырылған. Бұдан басқа, жақын арада мемлекеттік тілде оқытатын 200 орындық мектеп салу жобасы дайындалатын болады. Қазір Жамбыл облысында ауыл халқының табыстылық деңгейін арттыру бойынша республикалық пилоттық жоба іске асырылуда, мен біздің мамандарға барып, оны әрі қарай біздің өңірде енгізу үшін осы жүйенің қалай жұмыс істейтінін көруді тапсырдым. Ауыл тұрғындарын шағын несиелендіруге қатысты 438 миллион теңгеге 90 жоба бекітілді. Бұл салада Зайсан ауданы көш бастап тұр, Шемонаиха ауданында, сондай-ақ Самар және Алтай аудандарында жұмысты жандандыру қажет.