Құрметті жерлестер!!!

Бүгін облыс орталығындағы коммерциялық тұрғын үй шеңберінде жеке тұрғын үй құрылысы қарқынды жүріп жатқан 25 шағын ауданда болдым. Тұрғын үй иелеріне құрылыстың төрт түрлі жобасы ұсынылады, бұл объектілерді салу кезіндегі міндетті шарт. Әр үй заманауи үлгіде салынбақ, арнайы жайлы пештер орнатылып, шаруашылық жүргізуге тиесілі жер аумағы да бар. Халық арасында жоғары сұранысқа ие болатынына сенімдімін. Сондай-ақ, КШТ-дағы жол айрығының жобасымен таныстым, бұл жерде бес жол түйісетін болады, сондай-ақ Самар тас жолына шығатын Базовая көшесін кеңейту көзделген, нәтижесінде оның өткізу қабілеті екі есеге артпақ. Бұл шаралар кешені жолдардағы көлік қозғалысын айтарлықтай төмендетуге мүмкіндік береді. Есенберлин көшесіндегі нөсер кәрізін орнатуды және барлық инфрақұрылымдық жұмыстарды аяқтауды тапсырдым. Астана көшесінің жүру бөлігін кеңейту жоспарлануда, бірақ ол үшін алдымен халықтың қатысуымен қоғамдық тыңдаулар өтуі тиіс. Аврора және Пограничная көшелері Нұрсұлтан Назарбаев даңғылына дейін кеңейтіледі. Бұл Понтонный көпірін тиімдірек пайдалануға және ауыр техниканы қала сыртына шығаруға мүмкіндік береді. Сондай-ақ, жол құрылысшылары Мыза көшесін кеңейту туралы ұсыныс білдірді, оны қарастыруға дайынбыз, өйткені бұл аймақта жол кептелісі жиі болатыны белгілі.