Жұмыс сапарымен Алтай ауданында болып

Жұмыс сапарымен Алтай ауданында болып, мәслихат депутаттарының келісімі бойынша ауданның жаңа әкімі Ернар Мұстафинді таныстырдым. Оның еңбек жұмыс тәжірибесі жоғары, депутаттардың қолдауымен қойылған міндеттерді орындай алады деп сенемін. Ең алдымен, бұл-Алтай қаласының су тартқышын қайта жаңартуды аяқтау, қысқа мерзімде заманауи фитнес-орталық салу жобасын әзірлеу және ауданда жаңа мектеп салу жобасын дайындау. Серебрянск қаласына келетін болсақ, мұнда сумен жабдықтау бойынша жоба аяқталу сатысында, қазіргі уақытта ол сараптамадан өтуде. Серебрянск органикалық емес өндіріс зауытына келетін болсақ, бүгінде барлық заңды рәсімдер жүргізіліп, олар уақытты қажет етуде. Зауытты іске қосу алгоритмі әзірленді. Жақын арада кәсіпорын өз жұмысын бастайды. Жобаны түзеткеннен кейін біз Алтай-Өскемен жолындағы жол-құрылыс жұмыстарын қайта бастаймыз. Бұл облыс үшін маңызды бағытты аяқтаймыз. Сондай-ақ, аудан активімен ел Президенті Қасым-Жомарт Кемелұлы Тоқаевтың Жолдауы талқыланды. Алтай ауданында ауыл шаруашылығының мықты құрылымдары көп болғандықтан, жерді қайтару, өсімдік шаруашылығы мен мал шаруашылығындағы бағдарламаларды субсидиялау мәселесі агросектордың дамуына тиімді әсер етеді. Әлеуметтік сала, денсаулық сақтау және білім беру мәселелері талқыланды. Жалпы, бүгінде Алтай - қарқынды дамып келе жатқан аудан. Өткен жылдар ішінде маңызды инфрақұрылымдық және ең алдымен жылумен жабдықтау мәселелері шешілді. Алдағы уақытта Бұқтырма су қоймасы мен Жаңа Бұқтырма кентінің жағалауын абаттандырумен байланысты маңызды жобалар, сондай-ақ құрылыс және әлеуметтік саладағы жобалар іске асырылады.