Шығыс Қазақстан облысында сыбайлас жемқорлық тәуекелдеріне ішкі талдау жүргізу әдістемесі бойынша семинар өткізілді

2022 жылғы 18 тамызда облыстық денсаулық сақтау басқармасына қарасты квазимемлекеттік мекемелердің комплаенс-офицерлері үшін семинар өткізілді. Семинар барысында Сыбайлас жемқорлық тәуекелдеріне ішкі талдау жүргізу әдістемесі талқыланды.

Спикер ретінде өңірдің Сыбайлас жемқорлыққа қарсы қызметінің превенция басқармасы басшысының орынбасары Арыстан Асқар және облыс әкімі аппаратының ТБН-4 жобалар тобының жетекшісі Елена Карпова сөз сөйледі.

Медициналық мекемелердің өкілдері тақырыпты талқылауға белсенді қатысып, туындаған сұрақтарға жауап алды.

Сондай-ақ, семинарда квазимемлекеттік сектор ұйымдарында сыбайлас жемқорлыққа қарсы комплаенс-қызметтердің жұмысын үйлестіру мақсатында ШҚО сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) департаментінің превенция басқармасының аға офицері г. К. Байқадамова сөз сөйледі, ол қатысушыларға парасаттылық қағидаттарына негізделген ішкі корпоративтік мәдениетті қалыптастыру нормасы, сыбайлас жемқорлыққа қарсы мониторинг жүргізу, квазимемлекеттік сектор субъектілеріндегі сыбайлас жемқорлық тәуекелдеріне ішкі талдау жүргізу мәселелері туралы айтып берді. Сонымен қатар, жиналғандарға комплаенс-офицерлердің қызметі бойынша тоқсан сайынғы жиынтық ақпарат нысаны өзгертілгені жеткізілді. Енді квазимемлекеттік сектор субъектілерінде сыбайлас жемқорлыққа қарсы комплаенс-қызметтердің тиімді жұмыс істеуі мақсатында өткізілген іс-шаралар бойынша сандық көрсеткіштерден басқа, растайтын материалдарды, яғни талдамалық анықтамаларды жіберу қажет.