Кеңесте "Білікті маман" жобасы аясында білім гранттарын бөлу мәселесі талқыланды

Кеңесте "Білікті маман" жобасы аясында білім гранттарын бөлу мәселесі талқыланды. Президент Қасым-Жомарт Кемелұлы Тоқаевтың тапсырмасына сәйкес біз мемлекеттік білім беру тапсырысының көлемін ұлғайттық. Биыл жергілікті бюджет есебінен 450 грант бөлінді. Оның 222-сі техникалық мамандықтарға дейін. Сонымен қатар, білім басқармасы Кәсіпкерлер палатасымен және өңірдегі кәсіпорындармен бірлесіп, үлкен жұмыс жүргізді. Атап айтқанда, 2026 жылға дейін бізге 7 мыңға жуық маман дайындау керектігін анықтады. Бұл ретте олардың барлығы сұранысқа ие болады және ең бастысы - жұмыспен қамтылады. Сондай-ақ, жоба аясында біз студенттерді медициналық және педагогикалық мамандықтар бойынша оқытуға гранттар бөлеміз. Биыл біз 25 грант бойынша студенттерді ветеринария және мал шаруашылығы бағыты бойынша оқытатын боламыз. Бұл мамандар облыста жетіспейді. Жалпы, бүгінде жоғары білім мен ТжКБ жүйесіне қомақты қаржы салынды. Нәтижесінде факультеттер, ғылыми зертханалар, құзыреттілік орталықтары ашылды, жатақханалар салынуда. Біз "Білікті маман" жобасын одан әрі дамытатын боламыз. Келесі жылы гранттар санын 50 орынға көбейтеміз.