Дүйсенбіден бастап өңірдегі барлық оқушылар дәстүрлі оқыту жүйесіне оралады

Алдымыздағы қашықтықтан оқыту аптасы-бұл ауруға шалдыққан балалар санының көбеюіне байланысты мәжбүрлі шара болды. Мысалы, Семей қаласында бір күнде оқушылар арасында ауру жұқтырудың 37 жағдайы тіркелген болатын. Егер оқыту әдеттегі форматта болса, бұл сан бірнеше есе жоғары болар еді.  Барлығы балаларымыздың саулығы мен амандығы үшін жасалуда. Қазір аурудың таралу қарқыны азайып келеді, өйткені өңірде Pfizer препаратымен 12 жастан 18 жасқа дейінгі балаларды вакцинациялау барысы жақсы нәтижелерге ие. Жалпы, өңірде ревакцинация барысы да жаман емес. Кеше, яғни бір күннің өзінде 9 мыңнан астам адам ревакцинация алды. Бірінші ақпанға қарай 238 мың адам қайта егіледі. Ауруханалардағы төсек қорының жүктемесі бар болғаны 17 пайызды құрайды, стационарда 251 науқас ем алуда. Реанимациялардағы науқастар саны 9 пайызды құрайды.
Бүгінгі таңда өңірде COVID-19  ауруының 449 жағдайы тіркелген және олардың саны күн сайын азайып келеді, демек біз шектеу шараларын біртіндеп азайтамыз. Шағын бизнес саласында бұған дейін де шектеу шаралары алып тасталған болатын. Алдағы уақытта да бұл бағытта жұмыс жалғасады.