«Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек»» мемлекеттік бағдарламасының аясында әлеуметтік тұрғыдан аз қамтылған, жұмыссыз адамдарды қолдау мақсатында атқарылып жатқан шаруалар жетерлік. Қаншама тұрғынның өз шаруасын ілгері жылжытуына, өз кәсібін дөңгелетіп әкетуіне мұрындық болуда.

«Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек»» мемлекеттік бағдарламасының аясында әлеуметтік тұрғыдан аз қамтылған, жұмыссыз адамдарды қолдау мақсатында атқарылып жатқан шаруалар жетерлік. Қаншама тұрғынның өз шаруасын ілгері жылжытуына, өз кәсібін дөңгелетіп әкетуіне мұрындық болуда.

Өз кәсібін ашып, жұмысын жандандырған жанның бірі Абай ауданы, Саржал ауылының тұрғыны Қаратаев Талант. Ол «Бастау Бизнес» жобасы бойынша кәсіпкерлік негіздерінен өтіп, сертификат алып, бағдарлама шеңберінде жиһаз жасайтын құрылғы алуға 555 600 теңге қайтарымсыз грант алды. Бүгінгі күні жеке кәсіпкер ретінде мемлекеттік кірістер басқармасына тіркеліп, өз жұмысын жүргізіп жатыр. Ол өз сөзінде:
⠀
- Мемлекет тарапынан бұрын-сонды ешқандай көмек алмағанмын. «Еңбек» бағдарламасы арқылы қолдаулар бар екенін ақпарат құралдарынан біліп, жұмыспен қамту орталығына келдім. Мемлекеттік бағдарлама аясында қайтарымсыз грант ұтып алдым. Қазіргі уақытта мемлекет тарапынан жасалып жатқан қолдауларға ризашылығымды білдіремін, -деді.
⠀
Осындай игі істер көп болып, еліміздің іргесі берік, келешегі кемел болсын!