Бүгін еліміздің мұнай-газ нарығы құрылымындағы табысты және қарқынды дамып келе жатқан компаниялардың бірі - "Саутс-Ойл" ЖШС басшылығымен кездесу өткіздім.

Кәсіпорын алдағы бес жылда республиканың төрт өңірінде 10 инвестициялық жобаны іске асыруды жоспарлап отыр. Соның бірі Шығыс Қазақстан облысында бой көтеретін тау-кен байыту комбинаты.

Біздің өңір электрмен жабдықтау үшін жобалық-сметалық құжаттама әзірлеуге және қажетті инфрақұрылым құрылысын жүргізуге қолдау көрсетеді.

Айта кетейін, компания 1500-ден астам жаңа жұмыс орнын ашуды, сондай-ақ өнеркәсіптік өндіріс көлемін 12% дейін арттыруды межеге алып отыр.