«Сервистік әкімдік» жұмыс тиімділігін арттырады

Мемлекет Басшысы Қасым-Жомарт Тоқаев өзінің Қазақстан халқына Жолдауында «Цифрландыру – барлық реформалардың базалық элементі» бөлімінде цифрлық теңсіздікті жою, интернетке барынша қолжетімділікті және барлық азаматтардың сапалы байланысын қамтамасыз ету қажеттігін атап өтті. Ел Президентінің жергілікті атқарушы органдарды халықпен тығыз өзара іс - қимылдың жаңа форматына көшіру туралы тапсырмасын іске асыру шеңберінде, халықтың мемлекеттік органдармен өзара іс-қимылын оңайлату, сапалы мемлекеттік қызметтер алу үшін-Риддер қаласында 2020 жылғы тамыздан бастап «Сервистік әкімдік» ашылды.

Қызметтің мақсаты-халыққа көрсетілетін қызметтердің сапасын жақсарту, бір терезе қағидаты бойынша азаматтардың өтініштерін қабылдау, сондай-ақ сыбайлас жемқорлық тәуекелдерін төмендету, қызметтерді алу басымдығындағы кедергілерді азайту. Оның мәні-әкімдіктің барлық қызмет көрсетушілерін бір жерге орналастыру. Мемлекеттік органдар өкілдерінің мұндай топтасуы кез келген мәселелердің кең ауқымын жедел шешуге мүмкіндік береді. Қаланың «Сервистік әкімдігінде» бір уақытта әртүрлі бөлімдерден 7 қызмет көрсетуші қабылданады. Консультациялық көмек көрсетеді, мемлекеттік қызметтерді ресімдеуге және алуға көмектеседі, сондай-ақ ЭЦҚ алуға көмектеседі.

«Өзіне-өзі қызмет көрсету бұрышы» бар, онда кез келген азамат интернетті өз бетінше пайдалана алады, мемлекеттік қызметті электрондық форматта ала алады. Барлығы 1512 мемлекеттік қызмет көрсетілді.

Риддер қаласы әкімі аппаратының басшысы А.Сағидолдин атап өткендей: «Сервистік әкімдік қызметіндегі бастысы-біздің риддерліктер кабинеттерге бармай, барлық қызметтерді бір жерде алуы. Барлық мамандар келушіні тыңдап қана қоймай, оның проблемасын түсініп, мүмкіндігінше көмектесуге тырысады».