Жергілікті ерекшелік белгілері мен құрметті атақтар тағайындау, олардың сипаттамасы мен біржолғы сыйақы төлеу мөлшерлерінің қағидасын бекіту туралы

Жергілікті ерекшелік белгілері мен құрметті атақтар тағайындау,

олардың сипаттамасы мен біржолғы сыйақы төлеу

мөлшерлерінің қағидасын бекіту туралы

 

 

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының  27-бабының 2-тармағына,

Қазақстан Республикасының 2007 жылғы 27 шілдедегі «Білім туралы» Заңының 6-бабының 2-тармағы 25) тармақшасына,

Қазақстан Республикасының 2019 жылғы 27 желтоқсандағы «Педагог мәртебесі туралы» Заңының 9-бабының 4-тармағына сәйкес

Шығыс Қазақстан облысының әкімдігі ҚАУЛЫ ЕТЕДІ:

1. Қоса беріліп отырған Жергілікті ерекшелік белгілері мен құрметті атақтар тағайындау, олардың сипаттамасы мен біржолғы сыйақы төлеу мөлшерлерінің қағидасы бекітілсін.
2. Наградаларды, сондай-ақ тиісті куәліктерді дайындау бойынша шығындар жергілікті бюджет есебінен жүргізіледі.
3. Облыстың білім басқармасы Қазақстан Республикасының заңнамасымен белгіленген тәртіппен:

1) осы қаулының аумақтық әділет органында мемлекеттік тіркелуін;

2) осы қаулы мемлекеттік тіркелгеннен кейін күнтізбелік он күн ішінде оның көшірмесінің облыс аумағында таралатын мерзімді баспа басылымдарына ресми жариялауға жіберілуін;

3) осы қаулының ресми жарияланғаннан кейін Шығыс Қазақстан облысы әкімінің интернет-ресурсында орналастырылуын қамтамасыз етсін.

4) Осы қаулының орындалуын бақылау облыс әкімінің әлеуметтік сала мәселелері жөніндегі орынбасарына жүктелсін.

5) Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Шығыс Қазақстан облысының

                    әкімі                                                                                        Д. Ахметов