ШҚО-да балалар шеберлік сабақтарында қауіпсіздік шараларын меңгерді

Жазғы демалыстың басталуымен мектеп жанындағы лагерьлер өз жұмысын бастады. Мұнда балалар педагогтер мен құтқарушылар ұйымдастырған арнайы шеберлік сабақтарында қауіпсіздік ережелерін үйренуде.

Бұл туралы ШҚО Төтенше жағдайлар департаментінің өкілдері хабарлады.

– Балалар абиғат аясында қауіпсіз жүріп-тұрудың практикалық дағдыларын меңгеруде: отты дұрыс жағу, өзеннен қауіпсіз өту, алғашқы медициналық көмек көрсету тәсілдерін үйренді. Сондай-ақ судағы қауіпсіздік ережелеріне ерекше назар аударылды. Балалар су айдындарының маңында қауіпті жағдайлардың алдын алу жолдарын, сақтық шараларын сақтаудың маңызын және төтенше жағдайда қалай әрекет ету керектігін білді, – деп хабарлады ШҚО ТЖД-да.

Сабақ барысында алған қауіпсіздік туралы ақпарат балалардың жазғы демалысын оқыс оқиғаларсыз әрі қауіпсіз өткізуіне септігін тигізеді.

Сурет: ШҚО ТЖД