Ақпараттық хабарлама Қазақстан Республикасының Қаржы нарығын реттеу және дамыту агенттігінде белгіленген мерзімде есептік тіркеуден өтпеген ұйымдар туралы
2020 жыл 11 қараша
Қаржы қызметтерін тұтынушылардың мүдделерін қорғау мақсатында Қазақстан Республикасы Қаржы нарығын реттеу және дамыту агенттігі (бұдан әрі – Агенттік) төмендегілер туралы хабарлайды.
2020 жылғы 1 шілдеден бастап Қазақстан Республикасы Азаматтық кодексінің (бұдан әрі – Азаматтық кодекс) 715-бабының 2-1-тармағы қолданысқа енгізілді, оған сәйкес жеке кәсіпкерлер мен заңды тұлғаларға азаматтарға қарыз түрінде ақша беруге тыйым салынады және мұндай шарттар маңызсыз болып табылады.
Бұл тыйым Азаматтық кодекстің 715-бабының 2-тармағында көзделген жағдайларға, сондай-ақ Қазақстан Республикасының заңдарына сәйкес банктік қарыздар мен микрокредиттер түрінде ақша, жұмыс берушінің өз қызметкеріне, осы жұмыс берушімен бұрын еңбек қатынастарында болған зейнеткерге қарыз, сондай-ақ заңды тұлғаның өз құрылтайшысына (акционеріне, қатысушысына) қарыз беру жағдайларына қолданылмайды.
«Қазақстан Республикасының кейбір заңнамалық актілеріне қаржы нарығын реттеу мен дамыту, микроқаржылық қызмет және салық салу мәселелері бойынша өзгерістер мен толықтырулар енгізу туралы» 2019 жылғы 3 шілдедегі Қазақстан Республикасы Заңының (бұдан әрі – Заң) 2-бабы 4-тармағының бірінші бөлігіне сәйкес Заң қолданысқа енгізілгенге дейін азаматтарға қарыздар беру жөніндегі қызметті жүзеге асырған заңды тұлғалар (кредиттік серіктестіктер, ломбардтар, сондай-ақ микроқаржы ұйымдары ретінде тіркелген, есептік тіркеуден өткен және микроқаржы ұйымдарының тізіліміне енгізілген тұлғаларды қоспағанда) 2020 жылғы 1 шілдеге дейінгі мерзімде Қазақстан Республикасының заңдарына сәйкес микроқаржы ұйымы ретінде мемлекеттік қайта тіркелуге жатады.
Заңның 4-тармағының екінші және үшінші бөліктеріне сәйкес, Заң қолданысқа енгізілгенге дейін азаматтарға қарыздар беру жөніндегі қызметті жүзеге асырған, микроқаржы ұйымдары, кредиттік серіктестіктер және ломбардтар ретінде мемлекеттік тіркеуден өткен және микроқаржы қызметін жүзеге асыратын ұйымдардың тізіліміне енгізілмеген заңды тұлғалар «Микроқаржы қызметі туралы» Қазақстан Республикасы Заңының 14-бабына сәйкес 2020 жылдың 1 шілдесіне дейін есептік тіркеуге жатады.
Заңның 4-тармағының бірінші және (немесе) екінші бөліктерінде белгіленген талаптарды сақтамай қарыздар беру жөніндегі қызметті жүзеге асыруды жалғастырған жағдайда, Қаржы нарығын және қаржы ұйымдарын реттеу, бақылау мен қадағалау жөніндегі уәкілетті орган Қазақстан Республикасының заңдарына сәйкес көрсетілген тұлғаларды мәжбүрлеп қайта ұйымдастыру не тарату туралы сотқа талап қоюға құқылы.
Бүгінгі күні микроқаржы ұйымдары, кредиттік серіктестіктер және ломбардтар ретінде тіркелген, белгіленген мерзімге дейін есептік тіркеуден өтпеген бірқатар заңды тұлғалар, сондай-ақ төменде келтірілген өңірлік тізімге сәйкес Заңның 4-тармағы бірінші бөлігінің талаптарына сәйкес мемлекеттік қайта тіркеуден өтпеген заңды тұлғалар бар.