Бүгінгі таңда Шығыс Қазақстан облысында Жұмыспен қамту жол картасының 742 жобасын іске асыру аяқталды деп хабарлады ШҚО әкімі Даниал Ахметов әлеуметтік желідегі парақшаларында.

"Біздің облыста 20 мыңнан астам жұмыс орны құрылды. Бүгін Үкімет отырысында еліміздің Премьер-министрі Асқар Ұзақбайұлы Мамин өңірде жұмыспен қамтуды қолдау шараларын іске асыру қарқынына оң баға берді, сондай-ақ бұл бағыттағы жұмысты жандандыруды тапсырды.

⠀       Жалпы ШҚО бойынша 819 инфрақұрылымдық жоба жүзеге асырылуда. Қабылданған шаралар барлық қалалар мен ауылдарда әлеуметтік, инженерлік инфрақұрылымның жаңаруына ықпал етті.

⠀       Сондай-ақ, Өскемен қаласы мен Үржар ауданындағы әуежай кешенін жаңғырту, Алакөл көлі жағалауына инженерлік желілер салу сияқты ірі жобаларды іске асыру, туризмді, экономиканы дамытуға негіз қалайды".

⠀       Аймақ басшысының айтуынша, Жол картасы халықты жұмыспен қамту құралы ғана емес, қиын кезеңде өңірдің экономикалық өсуі мен бизнестің іскерлік белсенділігін арттыру драйвері болды.