Облыстағы барлық 648 мектептерде «Өзін-өзі тану» пәні ҚР БҒМ 2018 жылғы 4 қыркүйектегі №441 бұйрығымен бекітілген Типтік оқу жоспарына сәйкес, Қазақстан Республикасы Үкіметінің 2012 жылғы 23 тамыздағы №1080 және 2016 жылғы 13 мамырдағы № 292 қаулыларымен бекітілген мемлекеттік жалпыға міндетті стандарттар негізінде аптасына 1 сағат, жылына 34 сағат көлемінде 1-11 сыныптан бастап оқытылады.
«Өзін-өзі тану» пәні мұғалімдерінің жалпы саны - 2271 адам. Тек қана «Өзін-өзі тану» пәнін оқытатын мұғалімдер саны - 363 адам. «Әлеуметтік педагогика және өзін-өзі тану» мамандығы бойынша 76 мұғалімнің дипломы бар. «Бөбек» ҰҒПББСО және «Өрлеу» БАҰО АҚ-нан 1173 мұғалімнің сертификаты бар. Басқа білім беру орталықтарының сертификатымен сабақ беретін мұғалімдер саны - 648 адам. «Өзін-өзі тану» РАБ бағдарламасы бойынша сертификаттары жоқ мұғалімдердің саны - 450 адам.
Шығыс Қазақстан облысы білім басқармасы Қазақстан Республикасы Білім және ғылым министрлігі Балалардың құқықтарын қорғау комитеті 2019 жылғы 19 қыркүйектегі № 17-6-17/941-И хаты негізінде 2019 жылдың қазан-қараша айларында облыстың білім беру ұйымдарының жалпы санының 25% құрайтын 162 білім беру ұйымдарында «Өзін-өзі тану» пәнінің оқытылу жағдайын зерделеу мониторингісі өткізілді. Білім беру ұйымдарды таңдауы кездейсоқ іріктеу әдісімен тізімделінді.
«Облыстың білім беру ұйымдарында «Өзін-өзі тану» пәнін оқытуды зерделеу туралы» Шығыс Қазақстан облысы білім басқармасының 2019 жылдың 4 қазанындағы №553 бұйрығының 2 қосымшасына сәйкес, Өңірлік жұмыс тобының мүшелері «Өзін-өзі тану» пәнінің оқытылу жағдайын зерделеуді жүзеге асырды. Мониторинг 2019 жылдың 9-11 қазан аралығында Шығыс Қазақстан облысының Бесқарағай, Көкпекті, Ұлан аудандарында, 14-16 қазан аралығында Жарма, Үржар, Абай, Қатон-қарағай, Тарбағатай аудандары мен Өскемен қаласында, 17-19 қазан аралығында Аягөз, Алтай, Күршім, Зайсан аудандарында және Курчатов қаласында 21-23 қазан аралығында Бородулиха, Шеманайха, аудандарында және Семей, Риддер қалаларындағы жалпы білім беретін орта мектептерде «Өзін-өзі тану» пәнінің оқытылу жағдайын зерделеу жұмыстары бойынша жұмыс жүргізілді.
Мониторинг жүргізілген барлық мектептерге консультативті-әдістемелік ұсыныстар берілді.
2019 жылдың 14 қазаннан 20 желтоқсанға дейін «Бөбек» ҰҒПББО базасында «Өзін-өзі тану» пәнінің ғылыми-әдістемелік негіздері» тақырыбындағы ұзақ мерзімді курстан 6 мұғалім өтті.
2020 жылдың 12 қаңтардан 8 наурызға дейін «Бөбек» ҰҒПББО базасында «Өзін-өзі тану» пәнінің ғылыми-әдістемелік негіздері» тақырыбындағы ұзақ мерзімді біліктілікті арттыру курсынан 8 мұғалім өтті.
2020 жылдың 10 ақпаннан 17 сәуірге дейін «Бөбек» ҰҒПББО базасында «Өзін-өзі тану» пәнінің ғылыми-әдістемелік негіздері» тақырыбындағы ұзақ мерзімді біліктілікті арттыру курсынан 10 мұғалім өтті.
2020 жылдың 18-22 мамыр аралығында «Бөбек» ҰҒПББО базасында «Өзін-өзі тану» пәнінің ғылыми-әдістемелік негіздері» тақырыбындағы директорларға арналған қысқа мерзімді біліктілікті арттыру курсынан 6 директор өту жоспарлануда.
ШҚО білім басқармасының «Шығыс» өңірлік орталығы 6 қаңтарда Қатон-қарағай ауданының Қ. Дамитов атындағы орта мектебі базасында «Өзін-өзі тану пәнін оқыту сапасын арттыру жолдары» тақырыбында семинар-практикум өткізді. Семинар-практикумға мектеп директорланының оқу ісі жөніндегі орынбасарлары, өзін-өзі тану пәнінің мұғалімдері қатысты.
«Өзін-өзі тану сабағын өткізу әдістемесінің ерекшеліктері» тақырыбында Өскемен қаласы «№45 бағдарлы орта мектебі» КММ өзін –өзі тану пәнінің мұғалімі Бапаева Д.Д шеберлік сынып көрсетті.
Шығыс Қазақстан облысының білім басқармасы Қазақстан Республикасы Білім және ғылым министрлігінің 2020 жылғы 16 қаңтардағы №01-15-5-12/238-И хатына сәйкес 3-12 ақпан аралығында «Өзін-өзі тану: Махаббат пен Шығармашылық педагогикасы» атты дәстүрлі онкүндік облыстың барлық білім беру ұйымдары мен мектепке дейінгі мекемелерде жоспарлы түрде өткізілді. 2020 жылдың 12 ақпанында 5-11 сынып оқушылары арасында «Сүйіспеншілік-өмір негізі» атты жалпы республикалық ашық сабақ берілді.
Шығыс Қазақстан облысы білім басқармасының жұмыс жоспарына сәйкес 2020 жылдың 12 ақпанында «Шығыс» өңірлік орталығының базасында «Өзін-өзі тану» рухани-адамгершілік білім беру бағдарламасы бойынша өңірлік жұмыс тобының отырысы өтті.
Онлайн-отырыс жұмысына өңірлік жұмыс тобының мүшелері, аудандық және қалалық білім бөлімдерінің басшылары, әдіскерлері, жалпы білім беру ұйымдарының директорлары, өзін-өзі тану мұғалімдері қатысты.
Отырыста «Шығыс Қазақстан облысының жалпы білім беретін ұйымдарында «Өзін-өзі тану» пәнінің оқытылу жағдайын зерделеу қорытындысы» туралы мәселе қаралды.
Отырыс қорытындысы бойынша әдістемелік кабинет меңгерушілерімен, облыстық мамандандырылған мектептердің директорларына, білім беру ұйымдарының әкімшіліктеріне, өзін-өзі тану мұғалімдеріне «Өзін-өзі тану» рухани- адамгершілік білім беру бағдарламасы бойынша ұсыныстар берілді.
Директордың орынбасары А. Исаев