Құтқарушыларға құрмет көрсетілді

ҚҰТҚАРУШЫЛАРҒА ҚҰРМЕТ КӨРСЕТІЛДІ

19 қазан – Құтқарушылар күніне орай аудан әкімі Ерғали Скендиров сала мамандарын қабылдап, кәсіби мерекелерімен құттықтады.

Кездесу барысында аудан басшысы төтенше жағдайлардың алдын алу, қауіпсіздікті қамтамасыз ету және тұрғындардың өмірі мен денсаулығын қорғау жолында аянбай еңбек етіп жүрген құтқарушылардың қызметіне жоғары баға берді.

Сондай-ақ өз ісіне жауапкершілікпен қарап, қызметтік міндеттерін мінсіз атқарып жүрген бірқатар сала қызметкеріне аудан әкімінің Алғыс хаттары табысталды.

Құтқарушы болу – жоғары кәсібилікпен қатар, батылдықты, табандылықты және адам өміріне деген зор жауапкершілікті талап ететін абыройлы міндет.