Маңғыстау ауданында 6,1 млрд теңгенің құрылысы жүріп жатыр: Шетпедегі ең ірі жобалар

Маңғыстау ауданында 6,1 млрд теңгенің құрылысы жүріп жатыр: Шетпедегі ең ірі жобалар

Аудан әкімдігінде өткен аппараттық жиында құрылыс бөлімінің 2026 жылғы 9 айдағы есебі баяндалды.

1. Шетпедегі 318 отбасы биыл газ бен электр желісіне қосылады.
Жаңадан үй салып, жарықсыз отырғандар үшін 12 км газ, 9 км электр желісі тартылып жатыр. 

2. 8 шағын аудан үшін кәріз мәселесі шешіледі
Бұл - Шетпе үшін ең үлкен жоба. Көптен күткен 2-кезең қайта басталды.
Қай аудандар қосылады: Қосбұлақ-1, Қосбұлақ-2, Қызылтұран, Орталық, Қарашоқы, Құрылысшы, Мақаш, Базарлы, Ескі Шетпе және барлық көпқабатты үй. Енді лас су жаңа тазарту қондырғысына барады.

3. 5 400-ден астам тұрғын таза ауыз сумен қамтылады
Жаңа Орпа-2, Ащыбұлақ-1, Ащыбұлақ-2 тұрғындарына жаңа су қоймалары мен 8 км астам су құбыры салынып жатыр. Жыл соңына дейін аяқталуы керек. 

4. Тұщықұдық ауылында су мәселесі толық шешілді
15 км жаңа су құбыры тартылып, құрылысы бітті. Енді Астрахань-Маңғышлақтан келетін су ауылға үздіксіз барады.

5. Қосбұлаққа, Ақшымырау мен Шайырға да су құбыры тартылып жатыр
- Қосбұлақ-1,2 бағытында 68 км су құбыры
- Ақшымырауда 48 үйге
- Шайырда 66 үйге жаңа желі тартылып жатыр. 

Сараптамадан өткен, қаржы күтіп тұрған жобалар:
- Шетпеде 600 орындық жаңа спорт кешені
- 600 орындық Мәдениет үйі
- С. Қондыбай мұражайы
- Балалар өнер мектебіне қосымша ғимарат

Қорыта айтқанда, биыл Шетпеде ең өзекті - жарық, газ, су және кәріз желілері мәселесі жүйелі түрде шешіліп жатыр.