«Ақтөбе ауылдық округі әкімінің аппараты» мемлекеттік мекемесінің бас маманы санаты E-G-3, 1 бірлік
E-G-3 санатының мемлекеттік әкімшілік лауазымдарына мынадай талаптар белгіленеді:
жоғары немесе жоғары оқу орнынан кейінгі не орта білімнен кейінгі немесе техникалық және кәсіптік білім.
жұмыс тәжірибесі талап етілмейді.
Мынадай құзыреттердің болуы талап етіледі:
күйзеліске төзімділік, бастамашылдық, жауапкершілік, қызметті тұтынушыға және оны ақпараттандыруға бағдарлану, адалдық, өзін-өзі дамыту, жеделділік, ынтымақтастық және әрекеттестік, қызметті басқару.
Орташа лауазымдық айлықақы:
226837-260564.
Функционалды міндеттер:
-Ауылшаруашылығы және ветеринария саласын дамыту барысындағы жұмыстарды қадағалауды ұйымдастыру, жұмысты болжау, жоспарлау, бақылау. Ауылдық округ аумағындағы өнеркәсіпті шикі затпен, ал тұрғындарды азық-түлікпен қамтамасыз ету мақсатында өндірісті көтеру және ауылшаруашылығы өнімдерімен халық қолданысындағы басқа да тауарларды қайта өңдеуге бағытталған бірыңғай мемлекеттік саясатты жүзеге асыру;
-Ауылдық округ аумағында ауылшаруашылығы өнімдерін сату, өткізу жүйесін қалыптастыру, селоға сервистік қызмет көрсететін мекемелердің жүйесін ұйымдастыруға ықпал жасау;
- Шаруа қожалықтарының жұмыстарынан хабардар болу, кәсіпкерлік қызметпен айналысушыларға заңдық және құжаттамалық көмек көрсету;
-ҚР Жер кодексіне сәйкес жеке тұрғын үй құрылысына және кәсіпкерлік т.б. нысандарының құрылысына байланысты жер бөлу, шешім қабылдау, жерге қатысты қабылданған жеке және заңды тұлғалардың өтініштері бойынша құжат айналымы әрекеттерін сапалы,толық орындау, оның барысын қадағалау арқылы жұмыс жүргізу. Лауазымдық құзыреті шегінде жер пайдалану, құрылыс мәселелері бойынша қызметтерді тексеру және бақылау,тиісінше ұсыныстар енгізу;
-Статистикалық жұмыстарды жүзеге асыруды ұйымдастыру мен жүргізу және статистикалық есепті уақытылы тиісті органдарға тапсыру; Шаруашылық кітабын жүргізу, “Е-Аким” бағдарламасымен жұмыс жасау, халықтың жасы мен жиынтық құрамы, орналасуы, жеке шаруашылықтармен шаруа қожалықтарының пайдалануындағы жер, иелігіндегі мал есебі, техника есебі, жер актілерімен тұрғын үй паспорты;
- Тұрғын үй құрылысын, өндірістік объектілерді, кәсіпкерлік құрылыстарды салу және қабылдауды құжаттандыру сапасына және ісіне бақылау жасау, елді мекендегі жолдардың жөндеуі мен пайдалануын ұйымдастыру;
-Азаматтардың арыз-шағымдары, өтініштерімен жұмыс; «Е-өтініш» жүйелік бағдарламаны жүргізу;
-Ауылдық округі әкімінің жеке қабылдауларын жүргізу:
- Елді мекендерді абаттандыру, жарықтандыру, көгалдандыру және санитарлық тазарту жөніндегі жұмыстарды ұйымдастырады; Әкімшілік құқық бұзушылық кодексінің 204,383,408,505- баптары бойынша айыппұлдар салу мәселесімен айналысу;
-«Е-лицензия» жүйелік бағдарламаны жүргізу;
-Статистикалық жұмыстарды жүзеге асыруды ұйымдастыру мен жүргізу және статистикалық есепті уақытылы тиісті органдарға тапсыру;
-Мемлекеттік көрсетілетін қызметттердің тиісті регламентерімен стандарттары мен рәсімдерін сақтау, жұмыстарын үйлестіру;
-Ауылдық округтегі кәмелетке толмаған жасөспірімдерге учаскелік полиция инспекторларымен бірлесе отырып құқық бұзушылықтың алдын алу бағытында көмек көрсету, рейдтік шаралар ұйымдастыру;
- Ауылдық округі әкімінің есеп берулерінің өтісін, айтылған ұсыныстардың есепке алып, орындалысын бақылау;
- Әскер қатарына шақырушылардың шақыру қағаздарын уақытылы тапсыруды қамтамасыз етіп, аудандық қорғаныс істері жөніндегі бөліміне хабарлап отыруға жауапты;
- Мемлекеттік органға жүктелген міндеттер мен мақсаттарды орындау шеңберінде стандартқа сай «Жобалық басқару жүйесі ISO 21500» бойынша, басқару жобаларының нұсқаулықтары мен процестерін уақытылы орындап, жобаны жүргізуге жауапты;
Конкурсқа қатысу үшін қажетті құжаттар:
1) Өтініш;
2) 3х4 үлгідегі түрлі түсті суретпен осы Қағидаларға 3-қосымшаға сәйкес нысанда толтырылған «Б» корпусының әкімшілік мемлекеттік лауазымына кандидаттың қызметтiк тiзiмі (бұдан әрі – Қызметтік тізім);
3) бiлiмi туралы құжаттар мен олардың көшірмелерінің нотариалдық куәландырылған көшiрмелерi;
«Болашақ» халықаралық стипендиясын иеленуші, сондай-ақ өзара тану және баламалылығы туралы халықаралық шарттардың қолдану аясына жататын Қазақстан Республикасының азаматтарына шетелдік жоғары оқу орындары, ғылыми орталықтары мен зертханалары берген білім туралы құжаттарды қоспағанда, Қазақстан Республикасы азаматтарының шетелдік білім беру ұйымдарында алған білімі туралы құжаттарының көшiрмелерiне білім беру саласындағы уәкілетті орган берген аталған бiлiмi туралы құжаттарды нострификациялау немесе тану куәліктерінің көшірмелері қоса беріледі.
«Болашақ» халықаралық стипендиясын иеленушілерге берілген бiлiмi туралы құжаттарға «Халықааралық бағдарламалар орталығы» Акционерлік қоғамы берген Қазақстан Республикасы Президентінің «Болашақ» халықаралық стипендиясы бойынша оқуды аяқтау туралы анықтаманың көшірмесі қоса беріледі.
Өзара тану және баламалылығы туралы халықаралық шарттардың қолдану аясына жататын бiлiмi туралы құжаттардың көшірмелеріне білім беру саласындағы уәкілетті орган берген аталған бiлiмi туралы құжаттарды тану туралы анықтаманың көшірмелері қоса беріледі.
Персоналды басқару қызметі (кадр қызметі) "Е-қызмет" интегралды ақпараттық жүйесі арқылы кандидаттың:
1) құжаттарды тапсыру сәтінде заңнаманы білуіне тестілеуден өткені туралы шекті мәннен төмен емес нәтижелері бар қолданыстағы сертификаттың;
2) конкурсқа қатысу үшін құжаттарды тапсыру сәтінде уәкілетті органда жеке қасиеттерін бағалауды өту туралы шекті мәннен төмен емес нәтижелері бар қолданыстағы қорытындының бар болуын тексереді.
Құжаттарды қабылдау мерзімі жалпы конкурс өткізу туралы хабарландыру соңғы жарияланған күнінен кейін келесі күнінен бастап жеті жұмыс күн ішінде көрсетілген мекенжай бойынша тиісті мемлекеттік органға тапсырылуы тиіс.
Жалпы конкурсқа қатысуға ниет білдірген азаматтар конкурс өткiзетiн мемлекеттiк органға құжаттарын қолма-қол тәртіпте, почта арқылы не хабарландыруда көрсетілген электрондық почта мекенжайына электронды түрде не «Е-gov» электронды Үкімет порталы арқылы құжаттарды қабылдау мерзімінде тапсырады.
Жалпы конкурсқа қатысу үшін мемлекеттік қызметші және Заңның 27-бабы 8-тармағы бірінші бөлігінде көрсетілген адам келесі құжаттарды тапсырады:
1) Өтініш;
2) тиісті персоналды басқару қызметімен құжат тапсырғанға дейін бір айдан аспайтын уақытта расталған қызметтік тізім.
Әңгімелесуге жіберілген кандидаттар оны кандидаттарды әңгімелесу жіберу туралы хабардар ету күнінен бастап үш жұмыс күн ішінде Маңғыстау ауданы әкімінің аппаратында өтеді. Азаматтар конкурсқа қатысу шығындарын (әңгімелесу өтетiн жерге келу және қайту, тұрғын жай жалдау, тұру, байланыс қызметiнiң барлық түрлерiн пайдалану) өздерiнiң жеке қаражаттары есебiнен жүргiзедi.
Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушылар, сондай-ақ Маңғыстау ауданы әкімінің аппараты басшысының келісімі бойынша конкурс комиссиясының отырысына сарапшылар шақырылады.
Конкурс комиссиясының отырысына байқаушылар ретінде он сегіз жасқа толған Қазақстан Республикасының азаматтары, оның ішінде мемлекеттік қызмет істері жөніндегі уәкілетті органның (бұдан әрі – уәкілетті орган) жұмыскерлері қатыса алады. Сарапшы ретінде конкурс жариялаған мемлекеттік органның жұмыскері болып табылмайтын, бос лауазымның функционалдық бағыттарына сәйкес облыстарда, соның ішінде ғылым саласында жұмыс тәжірибесі бар адамдар, сондай-ақ персоналды іріктеу және жоғарылату бойынша мамандар, басқа мемлекеттік органдардың мемлекеттік қызметшілері, Қазақстан Республикасы Парламентінің және мәслихаттардың депутаттары қатыса алады.
Байқаушы ретінде конкурс комиссиясының отырысына қатысу үшін адам әңгімелесу басталғанға дейін екі сағаттан кешіктірмей персоналды басқару қызметін (кадр қызметін) хабардар етеді.
Шағым жасау тәртiбi:
Конкурсқа қатысушылар мен кандидаттар уәкiлеттi органға немесе оның аумақтық бөлiмшесiне, не Қазақстан Республикасының заңнамасына сәйкес сот тәртiбiнде конкурс комиссиясының немесе персоналды басқару қызметінің (кадр қызметінің) шешiмiне шағымдана алады.
Конкурс комиссиясының шешімі қабылданған күннен бастап бес жұмыс күннен кешіктірмей уәкiлеттi органға немесе оның аумақтық бөлiмшесiне конкурс комиссиясының немесе персоналды басқару қызметінің (кадр қызметінің) шешіміне шағым беру, уәкiлеттi органның немесе оның аумақтық бөлiмшесiнiң келіп түскен шағым бойынша тиісті шешім қабылдауына дейін конкурс комиссиясының шешімінің қолданылуын тоқтата тұруға негіз болып табылады.
Ескертпе:
Хабарландыруда көрсетілген лауазымдық айлықақы нақты қызметшінің жұмыс өтіліне байланысты өзгеше болуы мүмкін.