Маңғыстау аудандық сайлау комиссиясының хабарламасы
19 мамыр 2024 жылы Маңғыстау ауданының Ақшымырау ауылы әкімінің сайлауы өтті.
Маңғыстау аудандық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес, Маңғыстау ауданының Ақшымырау ауылының әкімін сайлау нәтижелері туралы учаскелік сайлау комиссиясының хаттамасы негізінде сайлау қорытындыларын белгіледі:
Ақшымырау ауылы бойынша сайлаушылар тізіміне 630 сайлаушы енгізілді, олардың 338-і дауыс беруге қатысты. Жарамсыз бюллетеньдер саны - 10, «Бәріне қарсымын» белгісі бар бюллетендер саны - 2.
Әрбір кандидат үшін берілген дауыстар саны:
Қарақойшиев Абзал Бақытжанұлына - 266, Сұлтанбеков Аманбек Нұрсайынұлына - 21, Шегенбаева Роза Шукановнаға - 39.
Ақшымырау ауылының әкімі болып Қарақойшиев Абзал Бақытжанұлы сайланды, 1996 жылы туған, қазақ, «Маңғыстау облысының балық шаруашылығы басқармасы» ММ, бөлім басшысы, Ақтау қаласында тұрады, «AMANAT» партиясы ұсынған.