Алты мыңнан астам Маңғыстаулық зейнетке шыққан

  Маңғыстау облысында 2024 жылы  жасы бойынша зейнетке шығу үшін 6064 азамат өтініш берген. Еске салсақ, Қазақстанда әйелдер зейнет жасына 61 жаста, ерлер 63 жаста шығады.

  Зейнет жасына жеткен азаматтардың көбін мазалайтын сұрақ: зейнетақы төлемдерін алу үшін қандай құжаттар қажет? Төменде осы сұраққа жауап береміз.

 Айта кету керек, зейнетақы төлемдеріне өтінішті ХҚКО арқылы немесе электронды үкімет порталы арқылы беруге болады. Өтінішке қол қою ЭЦҚ арқылы жүзеге асырылады. Сонымен қатар электронды порталдан өтініміңіздің статусын бақылап отыруға болады.

 Зейнет жасына жеткен кез келген азамат зейнетақы төлемдерін алу үшін бірқатар құжат ұсынуы керек:

• Жеке куәлік ( азаматтығы жоқ адамның куәлігі, шетелдіктің тұруға ықтиярхаты, қандас куәлігі);
• Неке туралы куәлігі (тегін ауыстырған жағдайда);
• 1998 жылғы 1 қаңтарға дейін әзірленген өтініш берушінің еңбек өтілін растайтын құжаттар (еңбек кітапшасы, мұрағат мекемелерінің анықтамалары);
• Банк шоты туралы мәлімет;
• Сурет 3*4 (зейнетақы куәлігі үшін).
• Білім туралы құжат;
• Әскери билет немесе қорғаныс істері жөніндегі басқарманың (бөлімнің) анықтамасы;
• Балалардың туу туралы куәліктері (әйелдер үшін);
• НҚА талаптарына сәйкес басқа құжаттар.