«Қарағанды қаласы әкімінің аппараты» мемлекеттік мекемесінің қаржы және мемлекеттік сатып алу бөлімі туралы Ереже

Қарағанды қаласы әкімнің

2020 жылғы «___» ________

№ _____ өкімімен бекітілді

 

 

«Қарағанды қаласы әкімінің аппараты» мемлекеттік мекемесінің

қаржы және мемлекеттік сатып алу бөлімі туралы

Ереже

 

 

1. Жалпы ережелер

 

1. Қаржы және мемлекеттік сатып алу бөлімі (бұдан әрі-Бөлім) «Қарағанды қаласы әкімінің аппараты» мемлекеттік мекемесінің құрылымдық бөлімшесі болып табылады.
2. Бөлім өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Бөлімнің құрылымы, штат саны Қазақстан Республикасының заңнамасымен белгіленген тәртіпте Қарағанды қаласы әкімдігінің қаулысымен бекітіледі.

 

2. Бөлімнің негізгі міндеттері, функциялары,

құқықтары мен міндеттері

 

5. Міндеті: Қарағанды қаласы әкімі аппаратын қаржылық қамтамасыз ету. Облыс әкімі аппаратымен өзара іс-қимыл жасау, бөлім құзыретіне жататын мәселелер бойынша Қарағанды қаласының аудандары әкімдері аппараттарының және қала әкіміне және әкімдігіне ведомстволық бағынысты мемлекеттік мекемелердің қызметін өзара іс-қимыл және үйлестіру.

          Функциялар:

          1) қала әкімі аппараты қызметкерлерінің жалақысын есептеу және төлеу, белгіленген мерзімде қаржылық және статистикалық есептілікті жасау және ұсыну;

          2) бекітілген Мемлекеттік сатып алудың жылдық жоспары негізінде міндеттемелер мен төлемдер бойынша қаржыландыру жоспарларын жасауды қамтамасыз ету;

          3) тауарлардың, жұмыстар мен көрсетілетін қызметтердің ұсынылған қажеттілігі негізінде бюджеттік өтінімдерді жасауды қамтамасыз ету;

          4) заңды және жеке тұлғалармен қаржыландыру жоспарларын орындау барысында туындайтын уақытылы есеп айырысуларды жүргізу;

          5) Қазақстан Республикасының заңнамасына сәйкес есептілікті (қаржылық, салықтық, статистикалық, мемлекеттік сатып алу бойынша) жасау және ұсыну болып табылады;

          6) Қазақстан Республикасы Президенті мен Үкіметінің, облыстық және қалалық әкімдіктердің актілерінің, басшылық тапсырмаларының уақтылы орындалуын қамтамасыз ету болып табылады.

6. Міндеті: мемлекеттік сатып алуды ұйымдастыру және өткізу. Функциялар:

          1) Қазақстан Республикасының заңнамасына сәйкес Қарағанды қаласы әкімінің аппаратында мемлекеттік сатып алудың жылдық жоспарын жасауды қамтамасыз ету;

          2) мемлекеттік сатып алудың жылдық жоспарын Қазақстан Республикасының Мемлекеттік сатып алу веб-порталында орналастыру;

          3) мемлекеттік сатып алудың бекітілген жылдық жоспарына сәйкес Қарағанды қаласы әкімінің аппаратында тауарларды, жұмыстарды және қызметтерді мемлекеттік сатып алуды ұйымдастыру және өткізу;

          4) Қаржы және мемлекеттік сатып алуға қатысты мәліметтер мен ақпаратты жасау және ұсыну болып табылады;

          5) Мемлекеттік сатып алу шарттарының орындалуын бақылау болып табылады.

7. Міндеті: бюджет заңнамасына сәйкес бюджет қаражатының тиімді, мақсатты және үнемді жұмсалуын бақылау, ақша және материалдық құндылықтардың сақталуын бақылау.

 

          Функциялар:

          1) қаржыландыру жоспарларында көзделген бюджеттік сыныптаманың кодтары (бағдарламалар, кіші бағдарламалар, ерекшеліктер) бойынша бюджеттік тағайындауларға сәйкес қаражат жұмсау (міндеттемелер мен төлемдер бойынша);

          2) бөлінген және бекітілген қаржының мақсатты, үнемді және тиімді жұмсалуына бақылауды жүзеге асыру;

          3) ақшалай және материалдық құндылықтардың сақталуына, олардың орын ауыстыруына және сақтау мен пайдалану орындарында дұрыс пайдаланылуына бақылауды қамтамасыз ету болып табылады;

          4) ақша қаражатына, есеп айырысулар мен материалдық құндылықтарға түгендеу жүргізуге қатысу, түгендеу нәтижелерін уақтылы және дұрыс айқындау және оларды есепте көрсету болып табылады.

8. Құқықтары мен міндеттері:

          1) Бөлімнің құзыреті шегінде қаланың сыртқы ұйымдарымен байланысты жүзеге асыру;

          2) бөлімнің құзыретіне жататын мәселелер бойынша құрылымдық бөлімшелердің басшыларынан өздерінің лауазымдық міндеттерін орындау үшін қажетті ақпаратты, құжаттарды және өзге де материалдарды сұрату және алу;

          3) бөлім жұмысын жетілдіру, бөлім қызметкерлеріне сыйақы беру және жаза қолдану бойынша ұсыныстар енгізу;

          4) бөлімнің құзыреті шегінде құжаттарға қол қою және бұрыштама қою;

          5) қала әкіміне және аппарат басшысына бөлімнің жұмысын жетілдіру жөнінде, сондай-ақ Бөлімнің жұмысына қатысты туындаған проблемалық мәселелерді шешу жөнінде ұсыныстар енгізуге міндетті;

 

3. Бөлімнің қызметін ұйымдастыру

 

9. Бөлім заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыру үшін қажетті өкілеттіктерге ие.
10. Бөлімді Қазақстан Республикасының заңнамасында белгіленген тәртіппен лауазымға тағайындалатын және атқаратын лауазымынан босатылатын басшы басқарады.
11. Бөлім басшысы Бөлім қызметіне жалпы басшылықты жүзеге асырады және Бөлімге жүктелген міндеттердің орындалуына және оның функцияларын жүзеге асыруға дербес жауапты болады.
12. Бөлім басшысы Қарағанды қаласы әкімі аппаратының басшысына бөлімнің құрылымы мен штаттық кестесі бойынша ұсыныстар береді.
13. Бөлім басшысы өз өкілеттігі шегінде бөлімнің қызметін үйлестіреді.
14. Бөлім басшысы болмаған кезеңде Қазақстан Республикасының қолданыстағы заңнамасына сәйкес тағайындалатын бас маман Бөлімнің қызметіне жалпы басшылықты жүзеге асырады және Бөлімге жүктелген міндеттердің орындалуына және оның функцияларын жүзеге асыруға дербес жауапты болады.
15. Бөлім құзыретіне кіретін мәселелер бойынша Бөлім атынан Қарағанды қаласы әкімі аппаратының басқа бөлімдеріне жіберілетін құжаттарға Бөлім басшысы, ал ол болмаған жағдайда оны алмастыратын тұлға қол қояды

 

 

Қарағанды қаласы әкімі

аппаратының басшысы                                                       С. Асылбекова

 

Келілді:

 

Қарағанды қаласы

әкімінің аппараты

мепмлекеттік-құқықтық

бөлімінің басшысы                                                                 В.Храпов

 

Дата публикации

16 июня 2021