Жаңаөзен қаласының және оған іргелес елді мекендерінде салық салу объектісінің орналасқан жерін ескеретін аймаққа бөлу коэффициентін (К айм) бекіту туралы

"Салық және бюджетке төленетін басқа да міндетті төлемдер туралы" Қазақстан Республикасының 2017 жылғы 25 желтоқсандағы (Салық кодексі) Кодексінің 529 бабының 6 тармағына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 31 бабына, "Қазақстан Республикасының кейбір заңнамалық актілеріне кәсіпкерлік қызметті реттеуді жетілдіру мәселелері бойынша өзгерістер мен толықтырулар енгізу туралы" Қазақстан Республикасының 2018 жылғы 24 мамырдағы Заңына, "Аймаққа бөлу коэффициентін есептеу әдістемесін бекіту туралы" Қазақстан Республикасы Ақпарат және коммуникациялар министрінің 2018 жылғы 12 қарашадағы №475 бұйрығына (нормативтік құқықтық актілерді мемлекеттік тіркеу тізілімінде №17847 тіркелген) сәйкес, Жаңаөзен қаласының әкімдігі ҚАУЛЫ ЕТЕДІ:

1. Осы қаулының қосымшасына сәйкес Жаңаөзен қаласының және оған іргелес елді мекендерінде салық салу объектісінің орналасқан жерін ескеретін аймаққа бөлу коэффициенттері (К айм) бекітілсін.
2. Осы қаулының орындалуын бақылау Жаңаөзен қаласы әкімінің орынбасары Б. Изгалиевке жүктелсін.
3. Осы қаулы әділет органдарында мемлекеттік тіркелген күннен бастап күшіне енеді, ол алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2021 жылғы 1 қаңтардан бастап туындаған құқықтық қатынастарға қолданылады.

 

Жаңаөзен қаласы әкімдігінің

2020 жылғы " " _______

№____ қаулысына қосымша

 

Жаңаөзен қаласы және оған іргелес елді мекендерінің аймаққа бөлу коэффициенттері

№	Атауы	Коэф
1	Шаңырақ шағын ауданы	1,6
2	Шұғыла шағын ауданы	1,7
3	Жалын шағын ауданы	1,55
4	Самал шағын ауданы	1,7
5	Көктем шағын ауданы	1,6
6	Өркен шағын ауданы	1,7
7	Рауан шағын ауданы	1,5
8	Вокзал станциясы	1,6
9	Мұнайлы шағын ауданы	1,45
10	Арай шағын ауданы	1,45
11	Мамыр шағын ауданы	1,3
12	Бостандық шағын ауданы	1,45
13	Ақбұлақ шағын ауданы	1,45
14	Астана шағын ауданы	1,4
15	Бәйтерек шағын ауданы	1,3
16	Рахат шағын ауданы	1,3
17	Ақсу шағын ауданы	1,55
18	Жұлдыз шағын ауданы	1,35
19	Мерей шағын ауданы	1,35
20	Қызылсай ауылы	1,45
21	Теңге ауылы	1,45

 

Дата публикации

21 октября 2020