Кодекс деловой этики ГКП "ОзенИнвест"

«БЕКІТЕМІН»

«Өзенинвест» МКК

директорының у.м.а.

______________Ш.А.Шарапатдинов

«____» ________2024 ж 

«Өзенинвест» МКК ІСКЕРЛІК ЭТИКА КОДЕКСІ

Жаңаөзен қаласы

 

1-ТАРАУ. ЖАЛПЫ ЕРЕЖЕЛЕР ЖӘНЕ НЕГІЗГІ ҰҒЫМДАР

 

  1. Жаңаөзен қаласы әкімдігінің «Өзенинвест» мемлекеттік коммуналдық кәсіпорнының (бұдан әрі – Кәсіпорын) осы Іскерлік этика кодексі (бұдан әрі – Кодекс) Қазақстан Республикасының заңнамасына, кәсіпорынның Жарғысына және басқа да ішкі құжаттарына сәйкес әзірленген және бұл құжат ережелер мен принциптер жинағы болып есептеледі.
  2. Кодекс Кәсіпорынның басқа мүдделі тұлғалармен этикалық өзара іс-әрекетін, корпоративтік қарым-қатынастың этикалық нормаларын, сондай-ақ Кәсіпорынның және оның жұмыскерлерінің күнделікті қызметіне этикалық нормалардың ықпал ету механизмін реттейтін құжат.
  3. Кодекстің ережелері Кәсіпорынның лауазымды тұлғаларына және атқаратын қызметіне қарамастан, барлық қызметкерлеріне арналған.
  4. Кәсіпорынның  қызметкерлері заңға қайшы әрекеттерден аулақ болып және ондай әрекетке белсенді түрде жауап беруі үшін Кәсіпорынның атқарушы органы ашықтық және жауаптылық жағдайын жасауға жауапты.
  5. Кәсіпорынның әрбір қызметкерінің ең бірінші кезектегі міндеті – Кәсіпорында бекітілген этикалық нормаларды орындауы және моральдық нормаларды сақтауы.
  6. Қызметкерлер этикалық нормаларды тиісті деңгейде орындау үшін Кәсіпорында оларды сақтау жауапкершілігін және өздері үшін ең жоғары стандарттарды белгілеуді өз мойнына алады.
  7. Кодекстің мақсаты:

1) Кәсіпорынның барлық лауазымды тұлғалары және қызметкерлері өз қызметінде стратегиялық маңызды шешімдерді қабылдау барысында, сондай-ақ күнделікті жағдайларда басшылыққа алатын негізгі құндылықтарды, принциптерді, ережелерді бекіту;

2) ұжымда сенім, өзара құрмет және парасаттылық ахуал жасау үшін Кәсіпорында жоғары этикалық мінез-құлық стандарттарына негізделген бірыңғай Корпоративтік мәдениетті дамыту;

3) атқарып отырған лауазымына қарамастан барлық Қызметкерлердің Кодекс нормаларын біркелкі түсінулері және орындаулары;

4) Кәсіпорынның корпоративтік басқару тетіктерінің тиімділігін көтеруге және Мүдделі тұлғалармен жемісті өзара іс-қимыл жасауға жәрдемдесу;

5) іскерлік мінез-құлықтың озат тәжірибелерін қолдану арқылы мемлекет пен іскерлік қоғамдастық тарапынан Кәсіпорынға деген сенімді арттыру және сақтау болып табылады.

  1. Кодекс Кәсіпорынның өзге де ішкі құжаттарымен бірге қолданылады және Кәсіпорынның Лауазымды тұлғалары мен Қызметкерлерінің іскерлік этика және іскерлік мінез-құлық нормалары мен қағидаларын сақтаудағы қызметтерін көрсетеді.
  2. Кодексте көрсетілген нормалар мен қағидалар тізбесі түпкілікті болып табылмайды және белгілі бір алғышарттар немесе жағдайлар туындаған жағдайда Кәсіпорынның Байқау кеңесі оны нақтылауы, өзгертуі немесе толықтыруы мүмкін.
  3. Кәсіпорынның барлық лауазымды тұлғалары, Қызметкерлері мен серіктестері нәсіліне, тіліне, саяси және діни сенімділіктеріне, жынысына, ұлтына мәдениетіне қарамастан адал және әділ қарым-қатынас жасауға құқылы. Қандай да болмасын кемсітушілік немесе ығыстырушылық осы Кодекске қайшы келеді және қолайсыз мінез-құлықты білдіреді. Егер қандай да бір лауазымды тұлға немесе Қызметкер әріптесін немесе басқа бір Қызметкерді ығыстырса немесе ерекше мінез танытса онда оған қатысты тәртіптік іс-әрекет шаралары қолданылатын болады.
  4. Кәсіпорын өз қызметкерлерінің бойындағы және жұмысындағы;

1) Кәсіпорынның стратегиялық мақсаттарына қол жеткізуге бағдарлануын;

2) кәсіби шеберлігі мен өзінің кәсіби деңгейін көтеруге деген ҧмтылысын;

3) лауазымдық міндеттерін орындау кезіндегі бастамашылығы мен белсенділігін;

4) тәртіптілігі мен жауапкершілігін;

5) қызметкерлер арасында бір-бірлерін өзара қолдауларын;

6) Кәсіпорынның жас мамандарына көмектесулерін бағалайды.

  1. Кәсіпорынның қызметі Іскерлік этика мен мінез-құлық ережелерінің талаптарының сақталуы негізінде құрылған Кәсіпорын мен барлық Мүдделі тұлғалардың қарым-қатынастарына негізделген. Өзара міндеттемелерді сақтау – сындарлы жұмыстың қажетті шарты.
  2. Кодексте мынадай түсініктер мен терминдер қолданылады:

Жалғыз қатысушы – тиісті саланың уәкілетті органы - Қазақстан Республикасының Денсаулық сақтау және әлеуметтік даму министрлігі;

Іскерлік этика – Кәсіпорын, оның Лауазымды тұлғалары мен қызметкерлері өз қызметінде басшылыққа алатын іскерлік мінез-құлықтың этикалық қағидалары мен нормаларының жиынтығы;

Лауазымды тұлға – Байқау кеңесінің мүшесі және/немесе Кәсіпорын басшылығы;

Мүдделі тұлға – бұл Кәсіпорын онымен шарттық қатынастарға түскен немесе түсуге ниетті жеке және заңды тұлғалар, сондай-ақ Кәсіпорынға байланысты мәмілелерге қатысы бар жеке және заңды тұлға.

Заңнама – белгіленген тәртіпте қабылданған Қазақстан Республикасы нормативтік құқықтық актілерінің жиынтығы;

Мүдделер қақтығысы – Кәсіпорын қызметкерінің жеке басы мүдделерінің оның ШЖҚ МКК қатысты міндеттерімен келіспеушілігі кезіндегі және Кәсіпорын Қызметкерінің жеке басының мүдделілігі оның өз лауазымдық міндеттерін қалтқысыз орындауына әсер ететін немесе әсер етуі мүмкін жағдайлар;

Корпоративтік мәдениет- Кәсіпорын үшін ерекше құндылықтар мен қағидалар, іскерлік өзара қарым-қатынастың этикалық нормалары, мінез-құлық нормалары;

Корпоративтік қақтығыс – Жалғыз қатысушы мен Кәсіпорын органдарының арасында туындаған келіспеушіліктер немесе даулар немесе мынадай салдарлардың біріне алып келетін немесе алып келуі мүмкін Кәсіпорын органдарының арасындағы келіспеушіліктер немесе даулар:

- қолданыстағы заңнаманың, Кәсіпорын Жарғысының немесе ішкі құжаттары нормаларының, Жалғыз қатысушы құқықтарының бұзылуы;

- Кәсіпорынға қойылатын талаптар.

Әлеуметтік жауапкершілік - Кәсіпорынның, мемлекет пен қоғамның өзара мҥдделеріне жауап беретін жеке өзі қабылдаған міндеттемелердің орындалуы;

Қызметкер – Кәсіпорынмен еңбек қарым-қатынастарында тұрған және еңбек шарты бойынша жұмысты тікелей орындаушы жеке тұлға;

Корпоративтік қақтығыстарды реттеу – корпоративтік қақтығыстардан сақтандыруға немесе оны шешуге бағытталған рәсімдер кешенін жүзге асыру.

  

2-ТАРАУ. ІСКЕРЛІК ЭТИКАНЫҢ ҚҰНДЫЛЫҚТАРЫ МЕН ҚАҒИДАЛАРЫ

 

  1. Кәсіпорын уәкілетті органмен, мемлекеттік органдармен, Кәсіпорынның Лауазымды тұлғаларымен және Қызметкерлерімен, әріптестерімен, басқа да мүдделі тұлғалармен, тұтастай алғанда Кәсіпорынмен өзара қарым-қатынаста стратегиялық маңызды корпоративтік шешімдер қабылдаудағы сияқты Кәсіпорынның Лауазымды тұлғалары мен Қызметкерлері күнделікті жұмыста кез болатын жағдайларда да осы Кодекстің талаптарын қабылдайды және ұстанады.
  2. Кәсіпорынның қызметі қалыптасатын негіз қалаушы корпоративтік құндылықтар оның қызметкерлерінің парасаттылығы, сенімділігі және кәсіби шеберліктері, қызметтерінің тиімділігі, өзара көмегі, бір-біріне, мүдделі тұлғаларға және тұтастай Кәсіпорынға деген құрметі болып табылады.
  3. Кәсіпорынның негіз қалаушы корпоративтік қағидалары:

1) Құзыреттілік және кәсіби шеберлік – Кәсіпорын қызметкерінің тиісті білімі, жұмыс тәжірибесі, салмақты және жауапты шешімдер қабылдай білуі қажет. Кәсіпорын өз қызметкерлерінің кәсіби білімі мен дағдыларының деңгейін көтеру, кәсіби, шығармашылық қабілеттерін іске асыру, мансаптық өсу әлеуеті мен мүмкіндіктерін дамыту үшін жағдайдар жасайды;

2) Патриотизм – Кәсіпорынға мемлекет тарапынан жүктелген жоғары сенім және оның әлеуіметтік жауапкершілігі патриотизм және денсаулық сақтау жүйесін дамытуға ықпал ету сезімін тудырады;

3) Ашықтық – Кәсіпорын өзі туралы ақпараттың, оның жетістіктері мен қызметі нәтижелерінің барынша жоғары ашықтығына, нақтылығына және сенімділігіне қмтылады. Кәсіпорын уәкілетті орган мен әріптестерін істің жай-күйі туралы уақытында хабардар етуге, Қазақстан Республикасының заңнамасына сәйкес есептілік пен есепке алу сапасын жақсартудың негізінде ақпараттың ашықтығы мен қолжетімдігін арттыруға қамтылады. Сонымен қатар, Кәсіпорын коммерциялық және қызметтік құпиядан тұратын ақпараттың және мәліметтердің жария етілмеуін қадағалайды;

4) Жауапкершілік және адалдық – Кәсіпорын Қазақстан Республикасының талаптарымен, шарттық қарым-қатынастармен белгіленген өзіне алған міндеттемелерге, іскерлік айналым салттарына және моральдық-адамгершілік қағидаларға жауапкершілікпен және адал қарайды. Кәсіпорын мемлекет алдында өзінің Әлеуметтік жауапкершілігін құрады;

5) Әділдік және парасаттылық – Кәсіпорын қызметі мен оның іскерлік беделінің негізі Кәсіпорынның жеке мүддесі мен кәсіби қызметі арасындағы қақтығысқа жол бермейді. Алдау, үндемеу және өтірік айту Кәсіпорынның Лауазымды тұлғасының, Қызметкерінің мәртебесімен сәйкес келмейді;

6) Тұлғаны құрметтеу – Кәсіпорынның Лауазымды тұлғасының, Қызметкерінің өзінің лауазымына, жұмыс орнына, атқаратын қызметтік және жұмыс міндеттеріне қарамастан басшылыққа алатын негізгі қағидасы. Тұлғаны құрметтеу қағидаларын ӛзара сақтау Қызметкерге қатысты Лауазымды тұлға үшін де, Лауазымды тұлғаға қатысты Қызметкер үшін де тең дәрежеде міндетті.

 3-ТАРАУ. ІСКЕРЛІК ӨЗАРА ҚАРЫМ-ҚАТЫНАСТАРДЫҢ ЭТИКАЛЫҚ НОРМАЛАРЫ

 3.1. Кәсіпорынның лауазымды тұлғалары мен қызметкерлері

 

  1. Кәсіпорынның Лауазымды тұлғалары мен Қызметкерлері:

1) Қазақстан Республикасының мемлекеттік рәміздеріне және Кәсіпорынның корпоративтік нышандарына құрметпен қарауға;

2) Жалпы қолданыстағы моральдық-этикалық нормаларды сақтауға, мемлекеттік тілге және басқа тілдерге, барлық халықтың дәстүрлері мен салттарына құрметпен қарауға;

3) Жоғары білікті жұмыс істеу үшін барлық күш-жігерлерін жұмсауға, Кәсіпорынның мүлкіне сақтықпен қарауға, оны ұқыпты және тиімді пайдалануға;

4) өзінің жұмысқа деген қарым-қатынасымен және мінез-құлқымен ұжымда тұрақты және оң жағдайлар жасауға ықпал етуге;

 5) сыпайы және әдепті болуға;

6) немқұрайлылық пен дөрекілікке төзбеуге;

7) әріптестеріне қолдау және көмек көрсетуге;

8) өзгенің пікіріне назар аударуға;

9) іс пен сөздің бірлігін қамтамасыз етуге. Берген сөздерінде тұруға;

10) өз қателігін жасырмауға/мойындауға;

11) өзін-өзі өзіне (немесе өзіне байланысты тұлғалармен) және басқаларға қатысты туындауы мүмкін Мүдделер қақтығысына жол бермейтіндей ұстауға;

12) басқа Қызметкерлерге қатысты өзінің субъективті пікірін білдіруге жол бермеуге және басқа Қызметкерлерге қатысты олардың іс-әрекеттерінің дұрыстығы немесе дұрыс еместігіне жеке бағасын бермеуге;

13) құпиялылық нормаларын және Кәсіпорынның ішкі құжаттарының талаптарын бұзбай бір-біріне дұрыс ақпаратты уақытында ұсынуға;

14) тікелей берілген уәкілеттіктерсіз және Кәсіпорынның Лауазымды тұлғаларының тікелей тапсырмаларынсыз жариялы түрде сөз сөйлеуге, пікірлерін білдіуге немесе сұхбат беруге жол бермеуге;

15) қоршаған ортаға қатысты құрмет және жанашырлық танытуға;

16) Кодекс талаптарын мұқият зерделеуге, түсінуге және адалдықпен сақтауға және келіскен жағдайда тиісті растаушы нысанды толтыруға (осы Кодекске қосымша);

17) өзіне қабылдаған міндеттемелер үшін жауап беруге;

18) лауазымдық міндеттерді орындаған кезде жеке басының қарым-қатынастары немесе дербес пайдасы үшін емес Кәсіпорынның мүдделерін басшылыққа алуға;

19) іскерлік этика қағидалары мен мінез-құлық ережелерінің бұзылу мәселелері бойынша тергеу жүргізілген кезде жәрдемдесуге;

20) өзінің жұмыс орнында тазалық пен тәртіпті сақтаулары, сондай-ақ барлық жұмыс материалдарын тиісті жағдайда ұстауға міндетті.

  1. Кәсіпорынның лауазымды тұлғалары:

1) Кодекстің негіз қалаушы құндылықтары мен қағидаларын ескере отырып, ашықтық пен бейтараптылық қағидаларында басқарушылық шешімдер қабылдауға;

2) Қазақстан Республикасының қолданыстағы заңнамасында және Кәсіпорынның ішкі құжаттарында қарастырылған олардың алдына қойылған міндеттердің іске асырылуына жауап беруге;

3) жеке басының үлгісімен Кодекстің талаптарына адалдықтарын көрсетуге;

4) қарамағындағылардың арасында корпоративтік рух құруға, ұжымның Кәсіпорынның ортақ миссияларымен, құндылықтарымен және қағидаларымен біріктірілген бір командаға бірігуіне уақыт табуға;

 5) Қызметкерлерге нақты міндеттер қоюға және қажет болған жағдайда барынша қажетті құралдармен сүйемелдеуге;

6) Қызметкерлердің өз жұмыстарын орындаулары үшін керекті ақпараттардың ашықтығы мен үнемі қолжетімдігін қамтамасыз етуге;

7) Қызметкерлерге кеңестер мен нұсқаулар беруге;

8) қандай жағдайда болмасын Кәсіпорын Қызметкерінің мәртебесін төмендетуге жол бермеуге міндетті.

  1. Кәсіпорынның Лауазымды тұлғалары мен Қызметкерлері өздерінің функционалдық міндеттерін орындағандары үшін:

1) заңды немесе жеке тұлғалардан ақша, қызмет немесе өзгеше түрде сыйақы;

2) жалпы қабылданған ізеттілік нормалары мен қонақжайлылықты немесе хаттамалық және өзге де ресми іс-шараларды өткізу кезіндегі қарапайым ізеттілік белгілерін қоспағанда заңды және жеке тұлғалардан сыйлықтар немесе басқа да қызметтерді алуға құқығы жоқ.

  1. Кәсіпорын басшылығы Кәсіпорында агрессияны, кемсітушілікті, шошытуды немесе қорқытуды болдырматындай жағдайлар жасауға тиісті. Осындай жағдайға тап болған әрбір Қызметкер мұндай қақтығыстарды шешу үшін бұл туралы өзнің тікелей басшысына хабарлауға құқылы.

3.2. Уәкілетті орган

  1. Уәкілетті органмен өзара қарым-қатынас Заңнама, Жарғы және Кәсіпорынның өзге де ішкі құжаттарының талаптарына сәйкес ашықтық, өзара есептілік және жауапкершілік қағидаларына негізделген. Кәсіпорын уәкілетті органмен қарым-қатынаста белгіленген рәсімдерді қатаң сақтайды.
  2. Кәсіпорын мен уәкілетті орган арасында ақпараттар алмасу тәртібі Қазақстан Республикасының заңнамасымен, Жарғымен және Кәсіпорынның ішкі құжаттарымен реттеледі.

 3.3 Іскер әріптестер

  1. Кәсіпорынның іскер әріптестермен өзара қарым-қатынасы өзара пайданың, заңдылық, әділдік және тиімділік қағидаларындағы шарттардың талаптарына сәйкес ашықтық пен толық жауапкершілік қағидаларында жүзеге асырылады.
  2. Кәсіпорын іскер әріптестермен шарттардың талаптарын сақтайды және оларға қатысты өз міндеттемелерін орындайды.
  3. Кәсіпорын өз қызметінде іскер әріптестерге негізсіз жеңілдіктер мен басымдықтар беруге жол бермейді.

 3.4. Кәсіпорынның өзара қарым-қатынастары

 

  1. Кәсіпорын Қазақстан Республикасының заңнамасына, Жарғыға және Кәсіпорынның ішкі құжаттарына, келісімдерге, сондай-ақ Ұйымдардың жарғыларына сәйкес ұйымдармен өзара қарым-қатынасты жүзеге асырады.

 3.5. Жұртшылық

 

  1. Кәсіпорын жұртшылық алдында өзінің әлеуметтік жауапкершілігін түсінеді.
  2. Кәсіпорын өзін өзі жұмыс істейтін және құрмет, сенім, адалдық және әділдік қағидаларына негізделген тығыз қарым-қатынастар орнатуға ұмтылатын қоғамдық ортаның ажырамас элементі ретінде қарастырады.
  3. Кәсіпорын:

1) әлеуметтік маңызды мәселелерді шешуге оң ықпал етуге;

2) қоғамға қызмет етуге, кәсіби білім мен білім алу деңгейлерін арттыруға бағытталған бағдарламаларды, басқа да әлеуметтік бағдарламаларды қолдауға;

3) жаңа жұмыс орындарын құруға және қызметкерлердің кәсіби біліктіліктерін көтеруге, егер ол экономикалық жағынан пайдалы және орынды болса;

4) қоғамдық қарым-қатынастарды жетілдіру, қоршаған ортаны жақсарту және өмір сүру қауіпсіздігін қамтамасыз ету мақсатында ұйымдармен (қоғамдық, үкіметтік емес және басқа) сындарлы қарым-қатынастар орнатуға ұмтылады.

  1. Кәсіпорын беделі күмәнді заңды және жеке тұлғалармен ынтымақтастық жасасудан бас тартуға өзіне міндеттеме алады.
  2. Кәсіпорын экология және қоршаған орта жөніндегі бастамаларды қолдайды.
  3. Кәсіпорын бейбітшілікті, халықтар арасындағы достық пен келісімді нығайтуға ықпал ететін жобаларды қолдауға ерекше назар аудара отырып әр түрлі нысандардағы қайырымдылық қызметін жүзеге асырады.
  4. Кәсіпорын білім, ғылым, мәдениет, өнер, ағарту жүйесін дамытуға, сондай-ақ тұлғаның рухани дамуына ықпал етеді.

 

4-ТАРАУ. ІСКЕРЛІК МІНЕЗ-ҚҰЛЫҚ ЕРЕЖЕЛЕРІ

 

  1. Кәсіпорынның Лауазымды тұлғалары мен Қызметкерлері өздерінің жеке бастарының баюы немесе басқа тұлғаларды байыту мақсатында Кәсіпорынды, оның беделін, коммерциялық және қызметтік құпияларын пайдаланбаулары тиіс.

 

  1. Мүдделер қақтығыстарына жол бермеу Кәсіпорынның, оның Лауазымды тұлғаларының, Қызметкерлерінің, уәкілетті органның мүдделерін қорғауды қамтамасыз ету үшін маңызды шарттар болып табылады. Кәсіпорынның барлық Лауазымды тұлғалары мен Қызметкерлері Мүдделер қақтығысынан бос ашық, уақтылы және бара-бар шешімдер қабылдау үшін жауапты болды.
  2. Кәсіпорынның Лауазымды тұлғаларының және Қызметкерлерінің қарамағындағыларымен, әріптстерімен, бәсекелестерімен өзара қарым-қатынастардағы іскерлік мінез-құлықтары бірін екіншісіне қарсы қоюға жол бермейді және:

1) алаламауды және байыптылықты;

2) тексерілмеген ақпаратты пайдаланудан бас тартуды;

3) Кәсіпорынның коммерциялық және қызметтік құпиясына жататын ақпаратты таратпауды;

4) өз сөзіне беріктікті;

5) моральдық құндылықтарды сақтау кезіндегі мақсаткерлікті;

6) өзінің іскерлік беделін сақтауды, қасақана өтірік және тексерілмеген ақпаратты тікелей немесе үшінші тұлғалар арқылы таратудан бас тартуды;

7) Мүдделер қақтығысы жағдайларында - келіссөздер арқылы дауларды шешуге қол жеткізуді болжайды.

 

  1. Құпия ақпарат

 

  1. Қазақстан Республикасының заңнамасына, Кәсіпорынның ішкі құжаттарына сәйкес осыған жатқызылған ақпарат Кәсіпорынның құпия ақпараты деп танылады. Кәсіпорынның қызметкерлері құпия ақпаратты үшінші тұлғаларға және оған қолжеткізу құқығы жоқ үшін Қызметкерлердің рұқсат етілмеген қол жеткізуінің және таралуының алдын алуға көмектесуі, сондай-ақ деректердің жоғалуына немесе жойылуына жол бермеуі тиіс.
  2. Құпия ақпаратпен жұмыс жасау кезінде Кәсіпорынның ішкі құжаттарында осындай ақпаратты ұсыну туралы талаптар бар жағдайларды қоспағанда, кәсіпорының Лауазымды тұлғалары мен Қызметкерлерінің коммерциялық және қызметтік құпияларды жария етуге тыйым салынады.
  3. Кәсіпорының Лауазымды тұлғалары мен Қызметкерлері құпия ақпаратпен жұмыс істеген кезде Кәсіпорынның ішкі құжаттарының талаптарын қатаң ұстанулары қажет.
  4. Сыбайлас жемқорлық және басқа да құқыққа қарсы іс-әрекеттер.

Кәсіпорын Мүдделі тұлғалар тарапынан сияқты Кәсіпорының Лауазымды тұлғалары мен Қызметкерлерінің тарапынан да орынсыз пайда немесе басымдық алу немесе оны сақтау мақсатында сыбайлас жемқорлықты және басқа да заңға қарсы іс-әрекеттерге жол бермеу үшін барлық күш-жігерін жұмсайды.

Сыбайлас жемқорлыққа қарсы іс-қимыл мәселелер бойынша тікелей міндеттілік Кәсіпорынның Лауазымды тұлғаларына жүктеледі.

Кәсіпорын қызметкерлері сыбайлас жемқорлыққа қарсы құқық бұзушылық жағдайларында оларға белгілі болған жағдайлар туралы басшылықтың назарына жеткізуге міндетті.

 

5-ТАРАУ. КОРПОРАТИВТІК МӘДЕНИЕТ

 

  1. Кәсіпорынның Лауазымды тұлғалары мен Қызметкерлері осы Кодекстің талаптарын сақтай және түсіне, оның оның бұзылуын ескерте отырып, Кәсіпорынның корпоративтік мәдениетінің дамуына үлес қосуға міндетті.
  2. Кәсіпорынның Лауазымды тұлғалары мен Қызметкерлері корпоративтік рухты қалыптастыруға және өз үлгісімен Кодекс талаптарының сақталуын қолдауға тиіс.

 

5.1. Келіссөздер жүргізудің сыртқы түрі және этикасы

 

  1. Кәсіпорының Лауазымды тұлғалары мен Қызметкерлері қызметтік міндеттерін атқару кезеңінде киім, аяқ киім, шаш үлгісін таңдауда іскерлік стиль нормаларын қатаң ұстанулары тиіс.
  2. Ұйымдарда белгілі бір форманы сақтау талаптары белгіленуі мүмкін.
  3. Медициналық этика медициналық қызметкерден жеке басының гигиенасын сақтауды ғана емес, әдептілік қағидаларын сақтауды да талап етеді. Киім таза болуы ғана емес, сонымен бірге жұмыс жасауға ыңғайды да болуы керек. Ол аса ашықтығымен немесе тым мәнерлі орындалуымен науқастарды алаңдатпауы қажет. Иіссу мен әтірдің ащы иісі жоқтарын ғана қалыпты мөлшерде жағу керек. Боянудың және әр түрлі әшекейлер тағудың қарапайымдылығы мен орындылығы медицина қызметкері қызметінің сипатына байланысты болады.
  4. Кәсіпорының Лауазымды тұлғалары мен Қызметкерлерінің басқа Қызметкерлермен және іскер әріптестерімен келіссөздер, оның ішінде телефон арқылы да, жҥргізе білуі тұтастай Кәсіпорынның қолайлы бейнесін жасауға ықпал етеді. Кәсіпорының Лауазымды тұлғалары мен Қызметкерлері келіссөздер, оның ішінде телефон арқылы келіссөздер жүргізген кезде сыпайы және әдеппен сөйлесулері тиіс. Іскерлік кезіссөздер байыппен және сыпай түрде жүргізіледі.
  5. Ішкі және сыртқы қоңырауларға жауап бере отырып барынша сыпайы жауап беру, нақты және толық ақпарат беру керек. Сондай-ақ, телефонмен әңгімелесу барысында сол жерде басқа да Қызметкерлердің болуларын ескере отырып олардың жұмысына құрметпен қарау, қатты сөйлеп олардың мазасын алмау қажет. Кеңеске қатысқан кезде ұялы телефонды өшіру немесе дыбыссыз режимге қою керек.

5.2. Корпоративтік мерекелер

 

  1. Корпоративтік мәдениетті қалыптастырудың маңызды элементтерінің бірі ұжымда мерекелік іс-шараларды өткізу болып табылады.
  2. Кәсіпорының барлық Лауазымды тұлғалары мен Қызметкерлері корпоративтік ойын-сауық немесе спорттық іс-шараларға қатыса алады. Сондай-ақ, Қызметкерлер арасында корпоративтік рухты көтеру мақсатында іс-шаралар өткізу жөнінде өздері ұсыныс жасай алады.
  3. Дәстүрлі корпоративтік мерекеге жататындар – Кәсіпорынның құрылған күні, Жаңа жыл, Халықаралық әйелдер күні, Наурыз мерекесі, Конституция күні, Тәуелсіздік күні және басқа да Қазақстан Республикасының заңнамасында қарастырылған ресми мерекелер.
  4. Кәсіпорынның ішінде барлық Қызметкерлер конференц-залда немесе Кәсіпорынның аумағындағы өзге орында жиналады, Кәсіпорын Басшылығының өкілдері құттықтау сөз сөйлейді, ерекше көзге түскен Қызметкерлерді мақтау қағаздарымен, сыйлықтармен атап өтеді.
  5. Кәсіпорынды мерекелеген кезде ұжым қала сыртына, табиғат аясына шыға алады, онда құрылымдық бөлімшелер музыкалық нөмірлер, би, ойындар дайындайды. Жекелеген жағдайларда басшылықтың бастамасымен Қызметкерлердің отбасы мүшелері шақырылады.

 

5.3. Қауіпсіздік, еңбекті және қоршаған ортаны қорғау

 

  1. Кәсіпорын өз Қызметкерлері үшін еңбек жағдайларының қауіпсіздігін қамтамасыз етеді, қоршаған ортаның қорғалуы мен күзетілуін сақтайды, қызметтің Қазақстан Республикасының осы саладағы заңнамасының талаптарына сәйкестігін қамтамасыз етеді, Кәсіпорының Лауазымды тұлғалары мен Қызметкерлері техника қауіпсіздігі мен еңбекті қорғау саласындағы стандарттар мен қағидаларды сөзсіз сақтауға міндетті.
  2. Кәсіпорының Лауазымды тұлғалары мен Қызметкерлері оған әсер етуді барынша азайтулары тиіс, мысалы, энергияны үнемдеу, қағаз тасығыштарды пайдалануды азайту.
  3. Кәсіпорын қоршаған ортаны қорғау қағидаларын ұстанулары керек және энергия үнемдейтін технологиялардың, қалдықсыз өндірісті, қалдықтарды қайталама пайдалануды енгізеді. Осы мақсатта Кәсіпорын инвестициялық шешімдер қабылдаған немесе өнім берушілермен келісімдер жасасқан кезде осы факторларды ескере алады.

 

5.4. Жұртшылықпен байланыс

 

  1. Кәсіпорын жұртшылықпен және бұқаралық ақпарат құралдарымен қарым-қатынаста жоғары этикалық стандарттардың сақталуын қадағалайды. Кәсіпорын өзінің ақпараттық-жарнамалық материалдарында немесе жұртшылықпен байланыс жөніндегі басқа да іс-шараларда жалған ақпараттың таратылуына, Лауазымды тұлғалардың жариялы сөздерінде фактілердің жасырылуына және/немесе бұзылуына жол бермейді.
  2. Жариялы түрде сөз сөйлеу, Кәсіпорында болған оқиғаларға түсініктеме жасау немесе Кәсіпорынның атынан бұқаралық ақпарат құралдарында кез келген өтініштер жасауға, Интернетті қоса алғанда, Кәсіпорынның осыған уәкілеттік берілген Лауазымды тұлғалары мен Қызметкерлері құқылы.
  3. Кәсіпорынның атынан қатысқан кезде Кәсіпорының Лауазымды тұлғалары мен Қызметкерлері кәсіби мінез-құлық және іскерлік этиканың жалпы қабылданған нормаларын сақтауға, тек дұрыс ақпаратты ғана таратуға, сондай-пқ құпия ақпараттың жария болуына жол бермеуге міндетті.
  4. Кәсіпорының Лауазымды тұлғалары мен Қызметкерлері қызметі және жалпы Кәсіпорын қызметі мәселелері бойынша өз пікірін жариялы білдірмеуі керек, егер ол:

1) кәсіпорын қызметінің негізгі бағыттрына сәйкес келмесе;

2) құпия ақпаратты жария етсе;

3) Кәсіпорынның Лауазымды тұлғаларының атына этикалық емес пікірлерді қамтыса.

 

6.7. Кәсіпорынның Іскерлік этика кодексінің және өзге де ішкі құжаттарының бұзылуы туралы мәліметтерді жинау және қарастыру тәртібі

 

  1. Кәсіпорынның Лауазымды тұлғалары мен Қызметкерлері бекітілген іскерлік этика нормаларын, заңнама және Кәсіпорынның ішкі құжаттарының нормаларын бұзулары анықталған жағдайда Байқау кеңесінің хатшысы шын мәнінде осындай өтініштерді қарауға құзыретті Кәсіпорынның тиісті органдарының қарастыруы және шешімдер қабылдауы үшін материалдарды қалыптастырады.

61.Мүдделі тұлғалар Кәсіпорынның Лауазымды тұлғалары мен Қызметкерлерінің заңсыз және этикаға қайшы іс-әрекеттері туралы өзінің тікелей басшысына немесе Байқау кеңесінің хатшысына хабарлай алады.

62.Байқау кеңесінің хатшысы қарастыруға өтінішті қабылдай отырып:

  • өтініш иесі өз құқықтарын қорғау және/немесе  іскерлік этиканың бұзылған нормаларын және іскерлік этиканың нормалары бұзылып қабылданған шешімдерді және/немесе іс-әрекеттерді (іс-әрекеттер жасамауды)  жою тәсілдері мен құралдарын түсіндіруге;
  • өтінішті шын мәнінде осындай өтініштерді шешу құзыретіне жататын Кәсіпорынның тиісті органдарына беруге міндетті.

63.Қарастыру нәтижелері мен қабылданған шешімдерді Байқау кеңесінің хатшысы Байқау кеңесі немесе Кәсіпорын Басшысы шешім қабылдаған күннен бастап 5 (бес) жұмыс күні ішінде өтініш білдірген тұлғаға хабарлайды.

64.Лауазымды тұлғалар мен Байқау кеңесінің хатшысы Кодекс ережелерінің, заңнаманың және ішкі құжаттар нормаларының бұзылуы туралы мәліметтерді қарастырудың құпиялылығына кепілдік береді. Өтініш білдірген тұлғаның құқықтарына нұқсан келтірілмеуі тиіс.

65.Қызметтік тергеу жүргізу Байқау кеңесі хатшысының уәкілеттілігіне жатпайды.

 

6.8. Бақылау шаралары

 

66.Кәсіпорынның лауазымды тұлғалары мен қызметкерлері Кодекстің талаптарын қатаң сақтауға және Кодекстің кез келген талаптарының бұзылуы туралы жазбаша түрде хабарлауға міндетті. Лауазымды тұлғалар мен қызметкерлердің құқықтарының бұзылуына алып келетін кез-келген жағдайлар заңнаманың және Кәсіпорынның ішкі құжаттарының нормаларына сәйкес қарастырылуы қажет.

  1. Кәсіпорынның лауазымды тұлғалары Кәсіпорынның стратегиялық мақсаттарына қол жеткізу үшін іскерлік этиканың негіз қалаушы құндылықтары мен қағидаларын ескере отырып, іскерлік шешімдер қабылдайды және өздерінің алдына қойылған міндеттердің іске асырылуына толық жауап береді.

68.Кәсіпорынның Байқау кеңесінің хатшысы немесе кәсіпорын басшысы өз құзыретіне сәйкес  Кәсіпорынның тиісті құрылымдық бөлімшелеріне/органдарына қажетті мәліметтерді бере отырып консультациялар жүргізу арқылы Кодекс талаптарының бұзылуына байланысты мәселелерге ден қоюға міндетті. Консультация беру бойынша іс-әрекеттер жазбалай түрде ресімделуі мүмкін.

69.Кәсіпорын Кодексті ашық түрде талқылауға дайын Қызметкерлерді ынталандырады және оны жетілдіру бойынша барлық сындарлы ұсыныстарға оң көзқараспен қарайды.

70.Кәсіпорынның Лауазымды тұлғалары мен Қызметкерлері, сондай-ақ іскер әріптестер мен мүдделі тұлғалар Кодекс талаптарын және/немесе жұмыс барысында туындаған этикалық мәселелерді, сондай-ақ Кодекс талаптарының бұзылу фактілерін, сыбайлас жемқорлық және басқа заңға қарсы іс-әрекеттерді түсіндіруге қатысты мәселелер бойынша Байқау кеңесінің хатшысына жүгінуге құқылы.

71.Қызметкерден мүдделер қақтығыстарына, заңнаманың және ішкі құжаттардың бұзылуына жататын барлық оқиғалар мен себептерді нақты сипаттау талап етіледі. Бұл мәнмәтінде баяндаушы Қызметкер өзара сенімді бұзушы болып есептелмеуі тиіс. Бұл Кәсіпорынға қатысты Қызметкердің адалдығының көрінісі болып табылады. Қызметкер дұрыс және нақты мәліметтерді хабарлауға міндетті және күмәнді фактілерді немесе жағдайларды,  осындай сипаттағы кез келген заңсыз іс-әрекеттер белгілерін жасырмауы тиіс.

           

8-ТАРАУ. ҚОРЫТЫНДЫ

 

72.Осы Кодекстің нормаларын сақтау Кәсіпорынның барлық лауазымды тұлғалары мен қызметкерлері үшін міндетті болып табылады. Осы Кодекстің нормаларын бұзу заңнамамен белгіленген тәртіпте жауапкершілікке алып келеді.

73.Кәсіпорынның Байқау кеңесі өзектендіру және жетілдіру мақсатында осы Кодекстің талаптарын қайта қарайды және жетілдіреді, оның практикада қалай жүзеге асырылып жатқанын талдайды, сондай-ақ қажет болған жағдайда ұсынымдарды ескере отырып, оған өзгерістер және/немесе толықтырулар енгізеді.

Кодекс деловой этики ГКП "ОзенИнвест"
Дата публикации
13 июня 2024