ЖОБА
Жаңаөзен қалалық мәслихатының 2021 жылғы 16 сәуірдегі № 3/27 «Әлеуметтік көмек көрсетудің, оның мөлшерін белгілеудің және мұқтаж азаматтардың жекелеген санаттарының тізбесін айқындаудың Қағидасын бекіту туралы» шешіміне толықтырулар енгізу туралы
Жаңаөзен қалалық мәслихаты ШЕШТІ:
1. Жаңаөзен қалалық мәслихатының 2021 жылғы 16 сәуірдегі № 3/27 «Әлеуметтік көмек көрсетудің, оның мөлшерін белгілеудің және мұқтаж азаматтардың жекелеген санаттарының тізбесін айқындаудың Қағидасын бекіту туралы» шешіміне (Нормативтік құқықтық актілерді мемлекеттік тіркеу Тізілімінде №4502 болып тіркелген) келесідей толықтырулар енгізілсін:
көрсетілген шешіммен бекітілген Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындау Қағидасында:
9 тармақта:
келесідей мазмұндағы 7) тармақшамен толықтырылсын:
«7) Мүгедектігі бар баланы санаторий-курорттық емдеуге алып жүретін заңды өкілдердің біріне және абилитациялау мен оңалтудың жеке бағдарламасында санаторийлік-курорттық емдеу шарасы бар бірінші топтағы мүгедектігі бар адамдарды (жұмыс берушінің кінәсінен жұмыста мертігуге ұшыраған немесе кәсіптік ауруға шалдыққан мүгедектігі бар адамдарды қоспағанда) ертіп жүретін адамдарға санаторий-курорттық ем алу туралы растайтын құжаттарды (санаторий-курорттық ем алу туралы акт, шот-фактура) қоса бере отырып, өтініш негізінде бөлінетін жолдаманың кепілдік берілген сомасының 70% (жетпіс пайызы) мөлшерінде бір рет беріледі.».
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Лауазымы Аты-жөні