Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2016 жылғы 6 сәуірдегі «Құқықтық актілер туралы» Заңдарына сәйкес, сондай-ақ «Қазақстан Республикасы Әділет Министрлігінің Маңғыстау облысының әділет департаменті» республикалық мемлекеттік мекемесінің 12 наурыз 2020 жылғы №05-10-591 ақпараттық хаты негізінде, Жаңаөзен қаласының әкімдігі ҚАУЛЫ ЕТЕДІ:
- Жаңаөзен қаласы әкімдігінің 2015 жылғы 30 қарашадағы №876 «Қоғамдық жұмыстарға тарту түріндегі жазаны өтеу үшін қоғамдық жұмыстардың түрлерін белгілеу туралы» (нормативтік құқықтық актілерді мемлекеттік тіркеу Тізілімінде №2919 болып тіркелген, 2015 жылғы 31 желтоқсанда «Әділет» ақпараттық-құқықтық жүйесінде жарияланған) қаулысының күші жойылды деп танылсын.
- «Жаңаөзен қалалық тұрғын үй коммуналдық шарушылығы бөлімі» мемлекеттік мекемесі (А.Танатов) осы қаулының Маңғыстау облысының әділет органдарында мемлекеттік тіркелуін және бұқаралық ақпарат құралдарында ресми жариялануын қамтамасыз етсін.
- Осы қаулының орындалуын бақылау Жаңаөзен қаласы әкімінің орынбасары Б. Ізғалиевке жүктелсін.
- Осы қаулы әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қала әкімі М. Ибағаров