АҚТАУДА ҚАЛА ТҰРҒЫНДАРЫНА АРНАЛҒАН КӨРМЕ ӨТТІ

Демалыс күндері Абай атындағы мәдени-демалыс кешенінде тұрғындарға арналған қолөнер шеберлерінің «Шебер қолдар» атты көрмесі өтті.

Ақтау қаласының 60 жылдығы аясында ұйымдастырылған көрмеде қаланың қолөнер шеберлері жұмсақ ойыншықтар, қуыршақтар, сәнді бұйымдар, сувенирлер, әшекей бұйымдарын ұсынды.

Іс-шара таңғы сағат 10:00-де басталып 8 сағатқа созылды.

Абай атындағы МДК өнерпаздары іс-шараны әсем әнмен сүйемелдеп, көрермендерге көңіл-күй сыйлады.

“Іс-шара өте жоғары деңгейде өтті. Тұрғындардың мәдени іс-шараларға деген қызығушылығы жоғары. Қолөнершілерге де алғысымды білдіремін”, - деді Абай мәдени-демалыс кешені директорының шығармашылық жөніндегі орынбасары Маргарита Омарова.