Жалпы ережелер
- Осы Ереже Ақтау қаласы әкімдігінің "Халық қатысатын бюджет" жобасын ұйымдастыру туралы (бұдан әрі - Ереже), азаматтардың бастамалары мен ұсыныстары негізінде Ақтау қаласының аумағын дамыту мен абаттандыруға бағытталған.
- Ережеде келесі ұғымдар пайдаланылады:
1) әкімдік – Ақтау қаласының әкімдігі;
2) автор – осы Ережеде белгіленген тәртіппен жобалық ұсынысты дайындаған және конкурсқа ұсынған тұлға. Жобалық ұсыныстың авторы Қазақстан Республикасының азаматы болуы тиіс;
3) жобалық ұсыныс - Қазақстан Республикасының заңнамасына қайшы келмейтін Қазақстан Республикасының азаматы дайындаған және берген, іске асырылуы Ақтау қаласы әкімдігінің құзыретіне жататын және осы Ереженің талаптарына сәйкес ресімделген құжат. Үлгілік жобалық құжаттар ресми Интернет-ресурста орналастырылуы тиіс;
4) дауыс беру – Интернет-ресурсында электронды түрде дауыс беру арқылы авторлар берген жобалық ұсыныстар арасында жеңімпаздарды анықтау процесі;
5) әкімдіктің сараптамалық кеңесі - "Халық қатысатын бюджеті" бойынша бойынша Ақтау қаласы әкімдігі жанындағы кеңесші орган;
6) Интернет-ресурс – ______________________.
- Ақтау қаласында "Халық қатысатын бюджет" жобасын қаржыландырудың жалпы көлемі 07 «Тұрғын үй-коммуналдық шаруашылық» функционалдық тобына қарастырылған қаражаттың 1 пайызын құрайды. құрайды.
- Жобалық ұсыныстарды іске асыру мерзімі бір бюджеттік жыл.
- Егер жобаны іске асыру жер учаскесін пайдалануды көздеген жағдайда, соңғысы жобалық ұсынысты іске асыру жоспарланып отырған аумақтық қатыстылығы бойынша Ақтау қаласына тиесілі және коммуналдық меншігінде болуы тиіс.
- Берілген сәтте, бір жобалық ұсыныстың ең жоғары құны ағымдағы қаржы жылына арналған республикалық бюджет туралы заңда белгіленген 10 000 еселенген АЕК-тен аспауы тиіс.