ҚАЗАҚСТАН РЕСПУБЛИКАСЫ МАҢҒЫСТАУ ОБЛЫСЫ
АҚТАУ ҚАЛАСЫНЫҢ ӘКІМДІГІ
ҚАУЛЫ
№ 11-07/778 27.03.2024 ж.
Жер учаскесін мемлекет мұқтажы
үшін мәжбүрлеп иеліктен алуды
бастау туралы
Қазақстан Республикасының 2003 жылғы 20 маусымдағы Жер кодексінің 81 бабы 2 тармағының 2 тармақшасына, 84 бабының 2 тармағының 2 тармақшасына, Қазақстан Республиксының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабы 1 тармағының 10 тармақшасына және Қазақстан Республикасының «Мемлекеттік мүлік туралы» 2011 жылғы 1 наурыздағы Заңының 63 бабына сәйкес, Қазақстан Республикасы Қорғаныс министрлігі «Ақтау аудандық пайдалану бөлімі» республикалық мемлекеттік мекемесінің 2024 жылғы 12 наурыздағы № 3004/3004-1/303 хаты және «Ақтау қалалық жер қатынастары бөлімі» мемлекеттік мекемесінің 2024 жылғы 13 наурыздағы № 01-12-297 қызметтік хаты негізінде, Ақтау қаласының әкімдігі ҚАУЛЫ ЕТЕДІ:
- Н.Р. Атчибаевтың, Б.Р. Атчибаевтың, Р.К. Атчибаевтың, Г.К. Ербулатованың 2011 жылғы 5 мамырдағы № 9861 жер учаскесін ортақ үлестік пайдалануға жалға беру туралы келісім шарты негізінде, ортақ үлестік жер пайдалануында тұрған «Ақтау-Құрық» автокөлік жолының бойында (17 шақырым) орналасқан, нысаналы мақсаты «АКР» шаруа қожалығын жүргізу үшін көлемі 200,0 гектар, кадастрлық нөмірі: 13-200-078-291 жер учаскесіне қорғаныс мұқтажы үшін мәжбүрлеп иеліктен шығару рәсімі басталсын.
- Көрсетілген жер учаскесін мемлекет мұқтажы үшін мәжбүрлеп иеліктен алу туралы шешім осы қаулы ресми жарияланған күнінен бастап үш айдан кем емес уақытта шығарылсын.
- Н.Р. Атчибаевқа, Б.Р Атчибаевқа, Р.К.Атчибаевқа, Г.К.Ербулатоваға келісім рәсімдерін жүзеге асыру үшін, Ақтау қаласының әкімдігіне хабарласу ұсынылсын.
- Осы қаулының орындалуын бақылауды жетекшілік ететін қала әкімі орынбасарына жүктелсін.
- «Ақтау қалалық жер қатынастары бөлімі» мемлекеттік мекемесі осы қаулыдан туындайтын шараларды қабылдасын.
- Осы қаулы қабылданған кезінен бастап үш жұмыс күні ішінде жергілікті бұқаралық ақпарат құралдарында ресми жариялануға тиіс.
Қала әкімі У. Тналиев