Карантин белгілеу туралы
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» және 2002 жылғы 10 шілдедегі «Ветеринария туралы» заңдарына сәйкес, сондай-ақ «Қазақстан Республикасының Ауыл шаруашылығы министрлігінің Ветеринариялық бақылау және қадағалау комитеті Бейнеу аудандық аумақтық инспекциясы» мемлекеттік мекемесі басшысының 2020 жылғы 30 наурыздағы № 01-19/59 ұсынысының негізінде Бейнеу ауданының әкімдігі ҚАУЛЫ ЕТЕДІ:
- Түйелердің арасында шешек ауруының пайда болуына байланысты Бейнеу ауданының келесі аумақтарына карантин белгіленсін:
1) Бейнеу ауылының тұрғыны Қ. Баймұңаловтың жеке ауласы;
2) Тәжен ауылының тұрғыны Ж. Илиясовтың жеке ауласы;
3) Сыңғырлау ауылының тұрғыны Б. Қанатовтың жеке ауласы.
- Бейнеу, Тәжен, Сыңғырлау ауылдарының әкімдері осы қаулыдан туындайтын тиісті шараларды қабылдасын.
- «Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Бейнеу аудандық аумақтық инспекциясы» мемлекеттік мекемесіне (келісім бойынша) осы қаулыдан туындайтын шараларды қабылдау ұсынылсын.
- «Бейнеу аудандық кәсіпкерлік, ауыл шаруашылығы және ветеринария бөлімі» мемлекеттік мекемесі (Т. Нұрмағанбетов) осы қаулының әділет органдарына мемлекеттік тіркелуін, оның бұқаралық ақпарат құралдарына ресми жариялануын қамтамасыз етсін.
- Осы қаулының орындалуын бақылау аудан әкімінің орынбасары Ж. Теміровке жүктелсін.
- Осы қаулы әділет органдарында мемлекеттік тіркелген күннен бастап күшіне енеді және алғашқы ресми жарияланған күнінен бастап қолданысқа енгізіледі.