Меню
Джаншаева Нұржамал Мағзомқызы 1967 жылы Атырау қаласында дүниеге келген. 1989 жылы Гурьев педагогика институтын орыс тілі мен әдебиеті пәнінің мұғалімі мамандығы бойынша, 2004 жылы Халел Досмұхамедов атындағы Атырау мемлекеттік университетін «Мемлекеттік және жергілікті басқару» мамандығы бойынша тәмамдаған.
Мемлекеттік қызметтегі еңбек жолын 1993 жылы Балықшы ауылдық әкімі аппаратында инспекторлық-ұйымдастыру және кадр жұмысы бөлімінің бас маманы қызметінен бастады.
1997–1998 жылдары Абай атындағы орта мектепте мұғалім болып еңбек етті.
1998 жылы Атырау қаласы әкімі аппаратының ішкі саясат және әлеуметтік сала бөлімінің бас маманы болып мемлекеттік қызметке қайта оралды.
2001 жылы ұйымдастыру және кадр қызметі бөлімінің бас маманы, сол жылдың мамыр айынан бастап жалпы бөлімнің бас маманы лауазымына тағайындалды.
2001–2017 жылдары Атырау қаласы әкімі аппаратының жалпы бөлімінде бас маман қызметін атқарды.
2017 жылғы 17 қаңтардан бастап бүгінгі күнге дейін Атырау қаласы әкімінің аппараты жалпы бөлімінің басшысы лауазымында қызмет атқарып келеді.