Әр азаматқа қамқорлық: мүгедектігі бар адамдарды техникалық көмекші (орнын толтырушы) құралдармен қамтамасыз етуге арналған құжаттарды рәсімдеу
Қазақстанда мүгедектігі бар адамдардың өмір сүру сапасын арттыру бойынша жүйелі жұмыс жалғасуда. Осы жұмыстың маңызды бағыттарының бірі - мүгедектігі бар адамдарды техникалық көмекші (орнын толтырушы) құралдармен (ТҚҚ) қамтамасыз ету.Бұл жұмыс Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 30 маусымдағы №287 бұйрығына сәйкес жүзеге асырылады:«Мүгедектігі бар адамдарды протездік-ортопедиялық көмекпен, техникалық көмекші (орнын толтырушы) құралдармен, жеке оңалту және абилитация бағдарламасына сәйкес арнайы қозғалыс құралдарымен қамтамасыз ету қағидаларын, сондай-ақ оларды ауыстыру мерзімдерін бекіту туралы».
Техникалық көмекші (орнын толтырушы) құралдар (ТҚҚ)
Протездік-ортопедиялық құралдар
Ағза мүшелерінің немесе олардың бөліктерінің жоғалуын не зақымдануын өтеуге, сондай-ақ ағзаның бұзылған функцияларын қалпына келтіруге арналған құралдар.
Тізімге кіреді:
сүт безі протезі, ортопедиялық аппараттар, туторлар, бір және көп таянышты таяқтар, шынтақ және қолтық балдақтар, жүріс арбашалары (қадамды, дөңгелекті, қосымша тіреуі бар), корсет, реклинатор, бас ұстағыш, белдік, емдік белбеу, балаларға арналған профилактикалық шалбар, киім киюге арналған бейімделгіштер, түйме ілгіштер, тұрмыстық заттарды ұстауға арналған құралдар.
Сурдотехникалық құралдар
Есту қабілеті бұзылған адамдарға арналған, дыбысты күшейтуге, байланысты жеңілдетуге және ақпарат алмасуға мүмкіндік беретін техникалық құрылғылар.
Тізімге кіреді:
орта, жоғары және аса жоғары қуатты есту аппараттары, сүйек өткізгішті есту аппараттары, веб-камерасы бар ноутбук, көпфункционалды дабыл беру жүйесі, мәтіндік хабарлама мен бейнеқоңырау функциясы бар мобильдік телефон, саңырау және нашар еститін адамдарға арналған сағаттар, кохлеарлы импланттарға арналған сөйлеу процессоры, дауыс қалыптастыру аппараты.
Тифлотехникалық құралдар
Көру қабілеті бұзылған адамдардың өмірлік қажеттіліктерін өтеуге, қоршаған ортамен өзара әрекеттесуге арналған техникалық құралдар.
Тізімге кіреді:
ине сабақтағыштар, тігін инелері, Брайль қарпімен жазуға арналған қағаз, сөйлейтін Брайль әліпбиін үйреткіш, Брайль әліпбиінің жинақ нұсқасы, экрандық қолжетімділік пен сөйлеу синтезі бар ноутбук немесе портативті тифлокомпьютер, дыбыстық глюкометр.
Міндетті гигиеналық құралдар
Мүгедектігі бар адамдардың табиғи физиологиялық қажеттіліктерін өтеуге және жеке гигиенаны сақтауға арналған құралдар.
Тізімге кіреді:
зәр мен нәжіс ұстамау жағдайында пайдаланылатын жөргектер, несеп қабылдағыштар (уроприемниктер), ішек стомасы бар адамдарға арналған нәжіс қабылдағыштар, сіңіргіш жаялықтар, катетерлер (оның ішінде Spina bifida диагнозы бар адамдарға арналған бір реттік түрлері), стома айналасындағы теріге күтім жасауға арналған герметик пасталар, кремдер, ұнтақтар, иіс бейтараптандырғыштар, тазартқыш құралдар, санитарлық отырғыштар, әжетхана және жуыну бөлмелеріне арналған тірек тұтқалар.
Мемлекеттік қызметті көрсету тәртібі
Мемлекеттік қызмет тегін көрсетіледі және келесі тәсілдермен қолжетімді:
Халыққа қызмет көрсету орталықтары (ХҚКО) арқылы;
Жұмыспен қамту және әлеуметтік бағдарламалар бөлімдері арқылы;
eGov.kz электрондық үкімет порталы арқылы;
Проактивті түрде — өтініш берушінің мобильдік нөміріне хабарлама жіберу арқылы.
Қызмет көрсету мерзімі – құжаттар тіркелген күннен бастап 5 жұмыс күні.
Күту уақыты:
ХҚКО-да – 15 минутқа дейін;
Жұмыспен қамту бөлімінде – 30 минутқа дейін.
Қызметті алу үшін қажетті құжаттар:
Медициналық-әлеуметтік сараптамадан (МӘС) өткеннен кейін ЖОАБ азаматтың жағдайы мен қажеттіліктерін кешенді бағалау негізінде әзірленеді. Бағдарламаны Еңбек және халықты әлеуметтік қорғау министрлігінің аумақтық бөлімшелерінің мамандары жасайды және ол медициналық, әлеуметтік, кәсіби және өзге де бағыттардағы оңалту іс-шараларын қамтиды.
Барлық мәліметтер (мүгедектік, тұрғылықты жер, оңалту бағдарламасы) электрондық форматта сұралады, бұл рәсімдеу процесін жеңілдетіп, өтініш берушілердің уақытын үнемдейді.
Қызмет көрсетуден бас тарту негіздері:
ұсынылған деректердің шындыққа сәйкес келмеуі;
қолданыстағы заңнама талаптарына сай келмеуі.
Өтініштерді қабылдау уақыты:
ХҚКО-да: дүйсенбі–жұма, 09:00–18:00, үзіліссіз;
Жұмыспен қамту бөлімінде: 09:00–18:30, түскі үзіліс – 13:00–14:30.
Цифрлық шешімдер мен ашық рәсімдердің арқасында мемлекеттік қызметтер халыққа барынша қолжетімді, ал әлеуметтік қолдау жүйесі нақты және тиімді болуда.
Мемлекеттік қызмет көрсету тәртібі мен қажетті құжаттар туралы толық ақпарат бөлімнің интернет-ресурсында, уәкілетті органның ақпараттық стендтерінде және ресми дереккөздерде орналастырылған.
Қосымша ақпаратты 8 (715) 33-2-12-98 телефоны арқылы алуға болады.
"Айыртау ауданы әкімдігінің жұмыспен
қамту және әлеуметтік
бағдарламалар бөлімі" КММ басшысы: Е.Қазбеков