Мүгедектігі бар адамдарды жүріп-тұруға арналған арнайы құралдармен қамтамасыз ету бойынша мемлекеттік қызмет көрсету тәртібі

Мүгедектігі бар адамдарды жүріп-тұруға арналған арнайы құралдармен қамтамасыз ету бойынша мемлекеттік қызмет көрсету тәртібі

 Мемлекеттік қызмет көрсету ҚР Еңбек және халықты әлеуметтік қорғау министрінің орынбасары - Премьер-Министрдің орынбасарының 2023 жылғы 30 маусымдағы №287 бұйрығына сәйкес жүзеге асырылады («Мүгедектігі бар адамдарды жүріп-тұруға арналған арнайы құралдармен, оның ішінде оларды ауыстыру мерзімдерімен қамтамасыз ету қағидаларын бекіту туралы»).

Қызмет көрсету тәсілдері:

1. «Азаматтарға арналған үкімет» мемлекеттік корпорациясы (ХҚКО) арқылы;
2. Қызмет көрсетуші – «Солтүстік Қазақстан облысы Айыртау ауданы әкімдігінің жұмыспен қамту және әлеуметтік бағдарламалар бөлімі» КММ арқылы;
3. Электрондық үкімет порталы (egov.kz) арқылы;
4. Ұялы байланыс абоненттік құрылғысы арқылы.

Қызмет көрсету мерзімдері:

Мемлекеттік корпорация немесе жұмыспен қамту бөліміне жүгінген жағдайда – құжаттар тіркелген күннен бастап 5 жұмыс күні ішінде;

Проактивті түрде – қызмет алушының келісімі алынған күннен бастап 5 жұмыс күні ішінде.

Күту және қызмет көрсету уақыты:

ХҚКО-да: күту – 15 минутқа дейін, қызмет көрсету – 15 минутқа дейін;

Жұмыспен қамту бөлімінде: күту – 30 минутқа дейін, қызмет көрсету – 30 минутқа дейін.

Қызмет көрсету нысаны:

Қағаз түрінде;

Электрондық (жартылай автоматтандырылған);

Проактивті түрде.

Қызмет көрсету нәтижесі:

Мүгедектігі бар адамға техникалық көмекші (жүріп-тұру) құралдарын ұсыну бойынша құжаттардың ресімделуі туралы хабарлама;

Хабарлама өтініш берушінің ұялы телефонына, электрондық үкімет порталындағы жеке кабинетке жіберіледі немесе дәлелді бас тарту беріледі;

Қызмет тегін көрсетіледі.

Қажетті құжаттар тізбесі:

ХҚКО немесе жұмыспен қамту бөліміне жүгінгенде:

1. Өтініш (Қағидаларға 1-қосымшаға сәйкес нысан бойынша);
2. Жеке басты куәландыратын құжат немесе цифрлық құжаттар сервисінен электрондық нұсқасы (тұлғаны сәйкестендіру үшін);
3. Сенім білдірілген тұлға жүгінген жағдайда – нотариалдық куәландыруды қажет етпейтін сенімхат.

Еңбек жарақатынан немесе кәсіби аурудан мүгедек болған адамдар үшін қосымша талап етіледі:

1. Өндірістік жазатайым оқиға туралы мәліметтер;
2. Жұмыс берушінің (жеке кәсіпкердің) қызметін тоқтату немесе заңды тұлғаның жойылғаны туралы мәліметтер.

Қалған мәліметтер (тұрақты тіркеу, мүгедектік мәртебесі, ЖИАР шаралары және т.б.) мемлекеттік ақпараттық жүйелерден электронды түрде сұратылады.

Мемлекеттік қызмет көрсетуден бас тарту негіздері:

1. Құжаттарда жалған мәліметтердің анықталуы;
2. Өтініш берушінің және/немесе материалдардың, деректердің Қағидаларға сәйкес келмеуі;
3. Қызмет алушының жеке деректерге қолжетімділікке келісім бермеуі (ҚР «Дербес деректер және оларды қорғау туралы» Заңының 8-бабы бойынша).

Өтініш қабылдау уақыты:

1. ХҚКО – дүйсенбі-жұма, сағат 09:00-ден 18:00-ге дейін, үзіліссіз;
2. Қызмет көрсетуші – дүйсенбі-жұма, сағат 09:00-ден 18:30-ға дейін, түскі үзіліс 13:00–14:30 аралығы.

Қосымша ақпаратты қайдан алуға болады:

Бөлімнің интернет-ресурсында;

Уәкілетті органның ақпараттық стендтерінде;

Ресми ақпарат көздерінде.

Анықтама үшін байланыс телефоны:

8 (715) 33-2-12-98

 

"Айыртау ауданы әкімдігінің

жұмыспен қамту және

 әлеуметтік бағдарламалар

бөлімі" КММ басшысы                                                            Қазбеков Е. К.