Айыртау ауданы Қоғамдық кеңестің V кезекті отырысы өтті

Ағымдағы жылдың 26 маусымында аудан әкімдігінің кіші залында Раушан Тілеубаеваның төрағалығымен, Солтүстік Қазақстан облысы бойынша мемлекеттік қызмет істері агенттігі департаменті басшысының орынбасары Асқар Баймұқановтың қатысуымен Қоғамдық кеңестің кезекті отырысы өтті.

Отырыс жұмысына жергілікті атқарушы органдардың басшылары қатысты.

Күн тәртібінде қоғамдық кеңес мүшелері келесі мәселелерді қарады:

1. "Айыртау ауданы әкімдігінің Қаратал ауылдық округі әкімінің аппараты" КММ-нің мемлекеттік қызметтер көрсету саласындағы қызметі туралы";
2. "Айыртау ауданында кәсіпкерлік пен туризмді дамыту туралы";
3. "Солтүстік Қазақстан облысы Айыртау ауданының әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы"Айыртау аудандық мәслихатының 2020 жылғы 25 қарашадағы № 6-47-17 шешіміне толықтыру енгізу туралы;
4. "Солтүстік Қазақстан облысы Айыртау ауданы әкімінің 2016 жылғы 25 қаңтардағы № 2 «Солтүстік Қазақстан облысы Айыртау ауданының аумағында сайлау учаскелерін құру туралы шешіміне өзгеріс енгізу туралы».

Отырыс қорытындысы бойынша Қоғамдық кеңес мүшелері жергілікті атқарушы органдардың жұмыста одан әрі пайдалануы үшін қаралған әрбір мәселе бойынша ұсынымдар қабылдады.