Шымкентте дәрі-дәрмектерді заңсыз сатудың фактілері анықталды

Ағымдағы жылдың 3 тамызында ҚР ҚМ Қаржы мониторингі комитетінің Шымкент қаласы бойынша Экономикалық тергеу департаменті қызметкерлері қала аумағында 51 қорапша «Ингавирин 90 мг», «Тамифлю 70 мг», «Эноксапарин 10000», «Дексаметазон 4 мл», «Азитромицин 500 мг» дәрі-дәрмектерін жалпы сомасы 400 000 теңгеге лицензиясыз және рұқсат құжаттарсыз сатумен айналысқан қала тұрғынын анықтады.

Сонымен қатар, ұсталған азаматтың жеке автокөлігін тексеру барысында жалпы саны 466 дана дәрі-дәрмектер (Димедрол, Кетерол, Кольтарен Эмульгель, Хондрагед, Элфунат, Санофи, Физиотенз, Корвитин, Парацетамол және т.б) тәркіленіп алынды.

Сондай-ақ, 2020 жылғы 4 тамызда шұғыл іздестіру іс-шаралары нәтижесінде Шымкент қаласы бойынша ЭТД қызметкерлері қала тұрғынын жалпы саны 110 қорапша «Меропенем», «Дексометазон» және «Гепарин» дәрі-дәрмектерін 643 500 теңгеге лицензиясыз және рұқсат құжаттарсыз сату барысында әшкереледі.

Аталған фактілер департаменттің АЕК тіркеліп, жинақталған материалдар кінәлі тұлғаларды ҚР заңнамасында көрсетілген жауапкершілікке тарту үшін Шымкент қаласының ТКҚСҚБ департаментіне жолданды.