Түркістан облысында суррогатты алкоголь өнімін дайындап сататын тағы бір цех жойылды

ҚР ҚМ Қаржы мониторингі комитетінің Түркістан облысы бойынша Экономикалық тергеу департаменті қызметкерлері жедел-іздестіру іс-шаралары барысында Сарыағаш қаласы тұрғыны ұйымдастырған 0,5 литр көлеміндегі сапасы күмәнді маркалар желімделген бөтелкедегі «Пшеничная» алкоголь өнімін, сонымен қатар  құрамында спирт бар сұйықтықтарды 1,3 және 5 литрлік пластикалық ыдыстарға құйып дайындайтын астыртын суррогатты алкоголь цехын анықтады.

Цехты тексеру барысында көлемі 2380 бөтелке «Пшеничная» алкоголь өнімі, 99 дана 5 литрлік пластик ыдыс, 775 дана 1,3 литрлік пластик ыдыс, 5000 дана металл қақпақ және 1200 литр спирт тәркіленіп алынды.

Аталған факті бойынша тергеу амалдары жүргізілуде.