Алматы облысында «Парацетамол» дәрілік препаратын 6 млн. теңгеге сатпақ болған азамат ұсталды

2020 жылғы 15 шілдеде күшейтілген карантин жағдайында ҚР ҚМ Қаржы мониторингі комитетінің Алматы облысы бойынша Экономикалық тергеу департаментінің қызметкерлері жедел-іздестіру іс-шараларын жүргізу барысында 1993 жылы туылған ҚР азаматы ұсталды. Ол «Парацетамол» дәрілік препаратын жоғары бағамен (пластинасы 300 теңге) тиісті құжаттарсыз заңсыз сатпақ болған.

Тінту кезінде 6 млн.теңге сомасына «Парацетамол» дәрілік препаратының 20 000 пластинасы алынды, олар сарапшы-маманның қорытындысынан кейін жедел респираторлық аурулардан емдеуге одан әрі пайдалану үшін Алматы облысы әкімдігінің Денсаулық сақтау басқармасына тапсырылатын болады.

Аталған факті бойынша ҚР ҚК 214-бабы (Заңсыз кәсіпкерлік) бойынша тергеу ісі басталды.