Оралдағы үш дәріханада дәрі-дәрмектерді көтеріңкі бағамен сатқан

ҚР ҚМ Қаржы мониторингі комитетінің Батыс Қазақстан облысы бойынша Экономикалық тергеу департаментінің қызметкерлері дәрілік заттарға бағаны қымбаттатудың 3 фактісін анықтады.

Осылайша, Орал қ. үш дәріханасында  Ингавирин 90, Ингавирин 60, Арбидол дәрілік заттарын шекті құнынан асыра көтеріңкі бағада сатқан.

Дәрілік препараттарды сату кезінде ҚР Денсаулық сақтау министрінің «Бөлшек және көтерме саудада өткізу үшін дәрілік заттың саудалық атауына шекті бағаларды бекіту туралы»  бұйрығының нормаларыы бұзылған.

Қазіргі таңда материалдар Тауарлар мен көрсетілетін қызметтердің сапасы мен қауіпсіздігін бақылау департаментіне айыпты тұлғаларды әкімшілік жауапкершілікке тарту үшін жолданды.