Халықаралық сарапшылар ақшаны жылыстатуға және лаңкестікті қаржыландыруға қарсы күрес бойынша ҚР ҚМ Қаржы мониторингі комитетінің қызметкерлеріне вебинар өткізді

2020 жылғы 22-23 маусымда Нұр-Сұлтан қаласында ҚР ҚМ Қаржы мониторингі комитеті ЕҚЫҰ Бағдарламалар офисімен бірлесіп «Ақшаны жылыстатумен және терроризмді қаржыландыруға қарсы күрес үшін ақпараттық талдаудың және ведомствоаралық ынтымақтастықтың заманауи құралдарын қолдану арқылы бенефициарларды анықтау» атты вебинар өткізді 

АЖ/ТҚҚ саласындағы халықаралық іс-шараның лекторлары ретінде сарапшылар Заза Берозашвили и Джузеппе Ломбардо сөз сөйледі.

ҚМК қызметшілерінен бөлек вебинарға вебинарға ғаламтор арқылы Бас прокуратура жанындағы Құқық қорғау органдары академиясының оқытушылары қосыла алды.

Тыңдаушылар Ақшаны жылыстатуға қарсы қаржылық іс-қимыл тобымен әзірленген (ФАТФ) АЖ/ТҚҚ бойынша арнайы ұсынымдармен және халықаралық стандарттармен танысты.

Іс-шара барысында келесі тақырыптар қарастырылды:

• ірі заңсыз кіріс көздері;
• Ақшаны жылыстату үшін заң құралдарын және бенефициарлық меншікті заңға қайшы пайдалану;
• Бенефициарлық меншік түсінігі және ФАТФ талаптары;
• заңды тұлғалармен байланысты негізгі кірістерді анықтау және бағалау;
• ФАТФ және «Эгмонт» тобының корреспонденттерге банктік қызмет көрсету және бенефициарлық меншікті жасыру типологиялары бойынша зерттеуі;
• Қылмыстық қорларды заңдастыру (жылыстату) кезеңдері.

Ағымдағы коронавирустық пандемияға байланысты семинар онлайн режимде өткізілгеніне қарамастан, курс нәтижелі болып, тыңдаушылар әдістемелік ұсыныстардың максималды мөлшерін ала алды.

Сондай-ақ, халықаралық сарапшылар вебинарға қатысушылардың барлық сұрақтарына жауап берді.