Өткен жылдың ең жарқын оқиғаларын еске аламыз

Өткен жылдың ең жарқын оқиғаларын еске аламыз

Мемлекет басшысы ТМД елдерінің қылмыстық кірістерді жылыстатуға қарсы іс-қимыл саласындағы тәуекелдерді бағалаудың Халықаралық орталығын құру туралы келісімге және "Заңсыз сатып алынған активтерді мемлекетке қайтару туралы" Заңға қол қойды.

Қазақстан FATF (Ақшаны жылыстатуға қарсы күрестің қаржылық шараларын әзірлеу тобы) стандарттарына сәйкестігін өзара бағалау рәсімінен сәтті өтті.

Базель басқару институтының жыл сайынғы "Basel AML Index" рейтингінде (кірістерді жылыстатуға және терроризмді қаржыландыруға қарсы іс-қимыл саласындағы ең беделді дереккөз) біздің еліміз 2012 жылдан бастап ең жоғарғы көрсеткішке қол жеткізе отырып, өз позициясын бірден 27 пунктке жақсартты.

Біз 41 елден (АҚШ, Канада, Австралия, Жапония және т.б.) тұратын Азия-Тынық мұхиты ақшаны жылыстатуға қарсы күрес тобында (ФАТФ типі бойынша аймақтық топ) бақылаушы мәртебесін алдық.

Көлеңкелі экономика деңгейін ЖІӨ-ге 18,78% - ға дейін (болжамды мәні 19,75% болған кезде) төмендету қамтамасыз етілді.

Бүгінгі күні қол жетті:

  • 36 қаржы пирамидасын жою, зардап шеккендерге 4,6 млрд теңге қайтару, олардың қызметін жарнамалайтын 7,7 мыңнан астам сайттар мен аккаунттарды бұғаттау;

 

  • есірткі сатушылардың қаржылық операцияларын бұғаттау тәжірибесін жолға қою, есірткі табыстарын жылыстату үшін пайдаланылған 924 банктік шотты жабу;

 

  • ЕДБ және қаржы реттеушілерімен бірлесіп 21 жасқа толмаған адамдардың букмекерлік кеңселердің атына ақша аудару және сол арқылы олардың құмар ойындарға қатысуына тосқауыл қою мүмкіндігі алынып тасталды;

 

  • 4,2 мың онлайн-казино сайтына кіру мүмкіндігін бұғаттау;

 

  • жеткізу тізбегінен 38 өнімсіз делдалды алып тастау және 14 облыста әлеуметтік себеттен 14 тауардың бағасын төмендету;

 

  • 77 млрд теңгеге күдікті операцияларды тосқауыл қою;

 

  • қылмыстық қолма-қол ақшамен айналысатын 27 көлеңкелі алаңның қызметін тоқтату, 6 ҰҚТ-ны жою;

 

  • 14,4 млрд теңгеге бюджет қаражатының негізсіз шығыстарының алдын алу;

 

  • жәбірленушілерге 85 млрд теңгеге залалды өтеуді және мемлекетке 187 млрд теңгеге активтерді қайтаруды қамтамасыз ету, "Қазақстанның инвестициялық қоры" АҚ мен Риддер ЖЭО мемлекет меншігіне қайтару.

"AML ACADEMY" Академиясын құрылды, оның қызметі қаржылық мониторинг бойынша мамандарды оқытуға, зерттеуге және сертификаттауға бағытталған.

Әлеуметтанулық сауалнамаларға сәйкес Агенттікке деген сенім деңгейі 20% - ға өсті.

Қаржылық мониторинг агенттігі елдің экономикалық қауіпсіздігін нығайту және қаржылық қылмыстардың алдын алуға бағытталған жұмысын жалғастыратын болады.

ҚМА Баспасөз қызметі