Қарағанды облысында жұмыстарды іс жүзінде орындамай, жалған шот-фактуралар жазып беру бойынша заңсыз әрекеттермен айналысқан ҰҚТ құрықталды
Мемлекет басшысының тапсырмасына сәйкес Қаржылық мониторинг агенттігі көлеңкелі экономикаға қарсы іс-қимыл саласындағы жұмысын жалғастыруда.
Қаржылық мониторинг агенттігінің Қарағанды облысы бойынша аумақтық департаменті контрагенттер-сатып алушыларды салық төлеуден босату мақсатында жұмыстарды іс жүзінде орындамай, тауарларды жеткізбей жалған шот-фактуралар жазып беру бойынша заңсыз әрекеттермен айналысқан ұйымдасқан қылмыстық топтың әрекетін әшкереледі.
2018-2021 жылдар аралығында 7 жалған компанияның қылмыстық әрекетінен жалпы айналым 2 миллиард теңгеден асқаны, соның салдарынан мемлекеттік бюджетке 300 миллион теңгеден астам салық түспегені анықталды.
Күдікті үйқамаққа алынды.
Қылмыстық іс аяқталып, бекітілген айыптау актісімен сотқа жолданды.
ҚМА баспасөз қызметі