7 ақпанда ҚР Қаржылық мониторинг агенттігіне қабылдануға әлеуетті қызметкерлерді іріктеу басталады

Бізге кім керек?

Беделі мінсіз, интеллектісі жоғары, креативті ойлау қабілеті бар және еліміздің экономикалық қауіпсіздігіне үлес қосқысы келетін талантты жастар.

Қандай талаптар қойылған?

1. «Құқықтану», «Экономика және аудит», «Ақпараттық қауіпсіздік», «Ақпараттық технологиялар», «Математика» және
   STEM-нің басқа бағыттары бойынша жоғары білімі туралы диплом;
2. Жоғары деңгейлі интеллект (IQ);
3. Жасы 35-ке дейін;
4. Бұрын құқық қорғау және арнайы органдарда қызметтен өтпегендер, сондай-ақ елдің Қарулы Күштерінде келісімшарт бойынша қызмет етпегендер;
5. Беделінің мінсіздігі.

* Үздік диплом, олимпиадалардың, ұлттық және халықаралық конкурстардың жеңімпаздары іріктеу кезінде басымдылыққа ие;

Іріктеу қалай өтеді?

Іріктеу 3 кезеңде өтеді:

1-кезең – онлайн-анкета толтыру және барлық қажетті құжаттарды жинақтау;

2-кезең – қабілеттіліктері мен дағдыларын бағалау (IQ деңгейін тексеру, эссе жазу, уәждемелі (мотивациялық) сөз сөйлеуді дайындау);

3-кезең – Орталық аппаратта онлай-сұхбаттасудан өту.

Барлық кезеңдерден сәтті өткен азаматтар «ҚР ҚМА жас мамандары пулына»қабылданып, ҚР Бас прокуратурасы жанындағы Құқық қорғау органдары академиясында оқытудан өту үшін ұсынылады.

Іріктеуден кейін не күтуде?

Бұдан әрі Академияға қабылдау үшін ұсынылған үміткерлер ҚР заңнамасын білу бойынша ауызша емтихан тапсыруы тиіс.

Оқыту 5 ай бойы өткізіледі және экономикалық тергеп-тексеру қызметі органдарында 1 ай тағылымдамадан өтеді.

Академияда оқуды сәтті аяқтағаннан кейін түлектер ҚР Қаржылық мониторинг агенттігіне жедел уәкіл (анықтаушы), тергеуші немесе криминалист (B-FMO-6 санаты) лауазымдарына қызметке қабылданатын болады. Осы лауазымдардың функциялық міндеттеріне криминалистикалық және арнайы зерттеулер жүргізу, бюджет саласындағы және квазимемлекеттік сектордағы, көлеңкелі экономика саласындағы құқық бұзушылықтарды және Қазақстан Республикасының заңнамасымен экономикалық тергеп-тексеру қызметінің құзыретіне жатқызылған өзге де қылмыстарды анықтау, алдын алу, ашу, жолын кесу және тергеп-тексеру кіреді.

Қызметкерлердің бастапқы жалақысы қандай болады?

Қызметкерлердің ең төменгі жалақысы (лауазымдық жалақысы) 156 мың теңгені құрайды.

Бұл ретте құқық қорғау органдары қызметкерлерінің ақшалай үлесі лауазымдық жалақыдан, сондай-ақ арнаулы атағы үшін 38 225 теңгеден бастап қосымша ақылардан, қызмет өткерудің ерекше жағдайлары, сыныптық біліктілігі үшін үстемеақылардан және жалақының 10-нан бастап 50%-ға дейінгі мөлшерінде басқа да төлемдерден құралады. !!Сондай-ақ, Жұмыс нәтижелері үшін сыйақы төлеу жүйесі қарастырылған, сауықтыруға арналған жәрдемақы төлене отырып, еңбек сіңірген жылдарына сәйкес 30 және одан артық күнтізбелік күн көлемінде демалыс беріледі.

Егер Сіз біз іздеген адам болсаңыз, Сізге:

1. Мемлекеттік қызмет істері агенттігінде құқық қорғау органдарына арналған заңнаманы білу деңгейіне тестіден өту керек (сілтеме).
2. Барлық қатысуға ерік білдірушілер 2021 жылғы
   7 ақпаннан 7 наурызға дейін (қоса алғанда) сілтеме бойынша сауалнама толтыруы қажет.
3. HR қызметтен алдағы уақытта 2 және 3 кезеңдерді өту бойынша әрекеттерін күту. Сұрақтар, жауаптар және кері байланыс әлеуметтік желіде жүргізіледі.

 

!! Кандидаттар құқық қорғау қызметіне қабылдану кезінде құқық қорғау қызметіна атқаруға байланысты шектеулерді және сыбайлас жемқорлыққа қарс шектеулерді қабылдауға дайын болуы тиіс.

Шектеулер тізбесін жүктеу

ҚМА аумақтық Экономикалық тергеп-тексеру департаменттерінің тізбесін жүктеу